Qasym-Jomart Toqaev Qazaqstan Respublikasynyŋ biylǧy qaŋtar-mausym ailaryndaǧy äleumettık-ekonomikalyq damu qorytyndylary turaly eseptı tyŋdap, ekonomikany odan ärı ärtaraptandyru josparymen tanysty.
Premer-ministr bırınşı jartyjyldyq qorytyndysy boiynşa ışkı jalpy önım kölemı 4,1 paiyzǧa öskenın baiandady. Ekonomika qūrylymyndaǧy öŋdeu önerkäsıbınıŋ ülesı – 9,8 paiyzǧa, kölık salasy – 7,1 paiyzǧa, qūrylys 15,2 paiyzǧa artty. Sondai-aq sauda-sattyqta – 5,7 paiyz, auyl şaruaşylyǧynda – 4,4 paiyz jäne bailanys qyzmetınde 4,3 paiyz ösım tırkeldı. Negızgı kapitalǧa tartylǧan investisiia kölemı 9,5 trillion teŋgenı qūrady, sonyŋ ışınde jeke investisiia 21,4 paiyzǧa ūlǧaidy.
Oljas Bektenov ūlttyq ekonomika qūrylymyn nyǧaitu jönınde esep berdı. Biyl öŋdeu sektorynda 1,7 trillion teŋgege 200 investisiialyq joba ıske qosylyp, 17 myŋ jūmys orny aşylady. Ükımet basşysy ırı avtojol jobalarynyŋ jüzege asyrylu barysy, Astana qalasyndaǧy ekınşı äuejaidyŋ qūrylysyn jäne Tarlan Astana kölık jüiesınıŋ kelesı kezeŋın josparlau turaly aitty. Paidalanuǧa berıletın tūrǧyn üi kölemı 20 million şarşy metrge jetpek. Auyl şaruaşylyǧyndaǧy öndırıs körsetkışı 15 trillion teŋgenı qūrap, egıstık alqaptary 23,8 million gektarǧa deiın ūlǧaidy. Şarualardy qoldauǧa 1 trillion teŋge bölındı. Būl rette biudjettıŋ är teŋgesı 6,5 teŋge jeke investisiia tartuǧa septıgın tigızdı.
Memleket basşysyna Halyqtyŋ tabysyn arttyru jönındegı keşendı jospardyŋ ıske asyryluy jäne infliasiiany tömendetu şaralary turaly aqparat berıldı. Mausym aiynda jyldyq infliasiia deŋgeiı 10,3 paiyzdy qūrady.
Prezidentke äleumettık jäne köşı-qon saiasatyn jetıldıru nätijelerı turaly baiandaldy, sondai-aq jūmysqa ornalasuǧa yntalandyru arqyly äleumettık qoldau tetıkterınıŋ tiımdılıgın arttyru täsılderı tanystyryldy. Keibır äleumettık tölemderdı oŋtailandyru nätijesınde jylyna 800 milliard teŋgeden asa qarjy ünemdeledı.
Kezdesude jylytu mausymyna daiyndyq mäselesıne airyqşa nazar audaryldy. Ötken mausymnyŋ qorytyndysy boiynşa bes jylu elektr ortalyǧy asa joǧary täuekeldıŋ «qyzyl» aimaǧynan şyǧarylyp, üş JEO «jasyl» aimaqqa auystyryldy. Biylǧy jöndeu jūmystary 9 energiia blogyn, 55 qazandyqty jäne 51 turbinany qamtidy. Atalǧan maqsatqa 384 milliard teŋge bölıngen. «Energetikalyq jäne kommunaldyq sektorlardy jaŋǧyrtu» ūlttyq jobasy aiasynda jyl soŋyna deiın 12 myŋ şaqyrym injenerlık jelı jöndeledı.
Prezidentke sifrlandyru jäne ūlttyq AI infraqūrylymyn damytu jönındegı tapsyrmalarynyŋ oryndaluy turaly mälımet ūsynyldy. Oljas Bektenov «Derekterdı öŋdeu ortalyǧy alqaby» jobasyn ıske asyru maqsatynda älemdık IT köşbasşylarymen bırge quaty 250 MVt bolatyn infraqūrylym jasaqtalatynyn aitty. Şetelden tartylǧan investisiia kölemı 10 milliard dollardan asty.
Memleket basşysyna turizm infraqūrylymyn jaŋǧyrtu jaiynda esep berıldı. Almaty tau klasterın damytu turizm salasynyŋ IJÖ qūrylymyndaǧy ülesın arttyrady. Almaty SuperSki jobasynyŋ qūrylysy jandana tüstı: 60 şaqyrym trassa qūrylysy aiaqtalǧanda täulıgıne 10 myŋ adamǧa deiın qyzmet körsetuge mümkındık tuady. Nysandy paidalanuǧa beru 2028 jyldyŋ jeltoqsan aiyna josparlanǧan. Elımız «Bolaşaq oiyndary-2026» jarystaryn ötkızuge daiyn.
Memleket basşysy jaŋa Konstitusiiaǧa sai qabyldanyp jatqan şaralar turaly habardar boldy. Zaŋnamany Ata zaŋǧa säikestendıru, «Ädılettı Qazaqstan» jäne «Zaŋ men tärtıp» qaǧidattaryn nyǧaitu, äleumettık saiasatty jetıldıru, Alatau qalasyn qarqyndy damytu üşın qūqyqtyq negız qalyptastyru, sondai-aq «Taza Qazaqstan» bastamasyn ılgerıletu boiynşa jūmystar jürgızılude.
Kezdesu soŋynda Qasym-Jomart Toqaev elımızdı örkendetu baǧytyndaǧy jüielı qadamdardy jalǧastyrudy tapsyrdy. Ükımetke äleumettık jäne infraqūrylymdyq nysandar saluǧa arnalǧan auqymdy baǧdarlamany qolǧa alu mındetı jükteldı. Būl bastama el azamattarynyŋ tūrmys sapasyn aitarlyqtai jaqsartuǧa tiıs. Zamanaui densaulyq saqtau nysandaryn saluǧa erekşe nazar audarylady.