Mätınde bylai delıngen:
"Qadırlı baspasöz qyzmetkerlerı!
Sızderdı Ūlttyq basylym künımen qūttyqtaimyn!
Būl mereke – elımızdı örkendetu jäne memlekettıgımızdı nyǧaitu jolynda eŋbek etıp jürgen baspasöz ökılderıne degen şynaiy qūrmettıŋ belgısı. Qazaq basylymdary ärdaiym halyqtyŋ ünı, töl ruhaniiatymyzdyŋ berık qorǧany sanalǧan. Bız onyŋ bai tarihyn, aǧartuşylyq dästürın maqtan tūtamyz. Gazet-jurnaldarymyz ūlttyq sana-sezımdı damytu ısınde airyqşa röl atqarady. Ziialy qauym ökılderı qoǧamdaǧy kökeikestı mäselelerge qatysty oi-pıkırın, negızınen, merzımdı baspasöz arqyly bıldıredı.
Elımızde türlı kezeŋde jaryq körgen basylymdar qaşanda ūlt müddesıne adal qyzmet etken. Aǧa buynnyŋ sara jolyn qazırgı käsıbi jurnalister laiyqty jalǧastyryp keledı. Olar şynaiy aqparat taratyp, jalpyūlttyq qūndylyqtardy keŋınen nasihattauǧa belsene atsalysyp jür.
Gazet-jurnaldarymyz aldaǧy uaqytta da jasampaz bastamalardy jüzege asyruǧa, ūlttyŋ jaŋa sapasyn qalyptastyruǧa jäne el bırlıgın nyǧaituǧa zor üles qosa beredı dep senemın.
Barşaŋyzǧa şyǧarmaşylyq şabyt, baq-bereke tıleimın!"