QMA-nyŋ Maŋǧystau oblysy boiynşa departamentı Jaŋaözen qalalyq köpbeiındı auruhanasyna demeuşılık kömek retınde bölıngen qarajattyŋ jymqyryluyna qatysty tergeu jürgızıp jatyr.
2025 jyly Maŋǧystau oblysynyŋ Densaulyq saqtau basqarmasy küiık bölımşesın aşuǧa demeuşılık kömek körsetu turaly «QazMūnaiGaz» ŪK» AQ-ǧa ötınış jasaǧan. Jobany ıske asyruǧa 223 mln teŋge bölınıp, ony «Özenmūnaigaz» AQ «Jarylqau» qoǧamdyq qoryna audarǧan.
Bastapqyda joba aiasynda medisinalyq jabdyqtyŋ segız türın satyp alu jäne mamandardy oqytu közdelgen. Alaida keiın jobanyŋ şarttary özgertılıp, bölımşenı keşendı türde jabdyqtaudyŋ ornyna qoǧamdyq qor, qalalyq auruhana jäne «AKBS Invest» JŞS arasynda jalpy qūny 210 mln teŋge tūratyn, küiıkke şaldyqqan nauqastarǧa arnalǧan nebärı ekı arnaiy kereuet satyp alu jönınde üşjaqty şart jasalǧan.
Būl rette satyp alu zaŋ talaptaryn ainalyp ötıp jürgızılgen. Öitkenı mūndai baǧadaǧy medisinalyq tehnikany zaŋnamaǧa säikes Bıryŋǧai distribiutor arqyly satyp alu qajet.
Tergeu deregınşe, zaŋsyz ıske qalalyq auruhana direktorynyŋ orynbasary, «Jarylqau» qoǧamdyq qorynyŋ basşysy, Jaŋaözen qalasy äkımınıŋ būrynǧy orynbasary jäne önım beruşı qatysy bar.
Jabdyq satyp aluǧa nebärı 92 mln teŋge jūmsalǧan. Tergeu nūsqasy boiynşa, qalǧan qarajat ülestes käsıporyndar arqyly qolma-qol aqşaǧa ainaldyrylyp, ıske qatysuşylar arasynda bölıngen.
«AKBS Invest» JŞS ökılı qylmystyq jolmen tüsken qarajatqa elordadan päter satyp alyp, ony üşınşı tūlǧalardyŋ atyna räsımdegen.
Jaŋaözen qalasy äkımınıŋ būrynǧy orynbasaryna qatysty QR Qylmystyq kodeksınıŋ 361-baby boiynşa lauazymdyq ökılettıkterın terıs paidalanu deregımen tergeu bastaldy.
Üş küdıktı qamauǧa alyndy.
Sottyŋ sanksiiasymen olardyŋ mülkıne, sonyŋ ışınde 2 päterge, 2 tūrǧyn üige jäne avtokölıkke tyiym salyndy.
Tergeu jalǧasyp jatyr.
QR Qylmystyq-prosestık kodeksınıŋ 201-babyna säikes özge aqparat jariia etılmeidı.
QR QMA Baspasöz qyzmetı