Jobanyŋ bas serıktesı “Samūryq-Qazyna” ÄAQ, serıktesı “Sport qory” bolyp tabylady. “Ūlttyq sporttyŋ joǧary mektebı” janynan qūrylǧan Keşendı ǧylymi top qūramynda elımızge belgılı fiziolog, zootehnik, ippolog, sport psihology, biohimik ǧalymdar jūmys jasap jatyr. Ǧalymdar sportşylarǧa jürgızılgen zertteulerdıŋ qorytyndysyn genetikalyq pasport ülgısınde äzırledı. Genotipteu nätijelerın tüsındıru avtorlyq äzırleme negızınde jürgızıldı. Būl profildegı genetikalyq parametrler jiyntyǧy negızınen üş fizikalyq qasiettıŋ markerlerın (jyldamdyq, küş, tözımdılık), sondai-aq qaŋqa būlşyqetterı men miokardtyŋ morfofunksionaldy erekşelıkterınıŋ markerlerın qamtidy. Būl test eptılıktı, ikemdılıktı jäne sporttyq ıs-ärekette maŋyzdy boluy mümkın basqa da erekşelıkterdı anyqtauǧa arnalmaǧan.