Jol infraqūrylymynyŋ sapasy jekelegen nysandardy tekserumen ǧana şektelmeidı. Joldy jobalau, salu, jöndeu jäne paidalanu kezeŋderınıŋ barlyǧynda sapany baǧalaudyŋ naqty ärı bırızdı täsılderı qajet.
Qazaqstan Respublikasynyŋ Prezidentı Qasym-Jomart Toqaev jol qūrylysynyŋ sapasyn baǧalau jüiesın qaita qarau jäne qūrylys jūmystarynyŋ barlyq kezeŋınde baqylaudy küşeitu qajettıgın atap öttı. Memleket basşysy Ūlttyq jol aktivterı sapasynyŋ ortalyǧynyŋ jūmysyn da küşeitudı tapsyrdy.
JOLSAPA üşın jol sapasyn baqylau - negızgı jūmys baǧyttarynyŋ bırı.
Ortalyq mamandary jol-qūrylys materialdarynyŋ sapasyn zerthanalyq synaqtar arqyly baǧalaidy, oryndalǧan jūmystardyŋ belgılengen talaptarǧa säikestıgın tekseredı, tehnologiialyq būzuşylyqtar men aqaulardy anyqtaidy.
2026 jyldyŋ basynan berı jergılıktı joldarda 15 myŋnan astam jol-qūrylys materialynyŋ synamasy zertteldı. Zerthanalyq zertteuler nätijesınde olardyŋ 32%-y belgılengen talaptarǧa säikes kelmegen. Sonymen qatar jyl basynan berı jergılıktı joldarda 1 997 tehnologiialyq būzuşylyq pen aqau anyqtalǧan: onyŋ 214-ı joiylyp, 1 783-ı älı joiylǧan joq.
Būl körsetkışter jol sapasyn baqylaudyŋ maŋyzyn ǧana emes, anyqtalǧan säikessızdıkterdı uaqtyly joiudyŋ jäne sapany baǧalauda naqty ärı bırızdı talaptardyŋ boluynyŋ qajettıgın körsetedı.
Osy tūrǧydan alǧanda, normativtık bazany jetıldıru jol salasyndaǧy jüielı özgerısterdıŋ maŋyzdy bölıgı bolyp tabylady.
Avtojol salasyndaǧy normativtık-tehnikalyq bazany özektendıru baǧytynda Kölık ministrlıgınıŋ Avtomobil joldary komitetınıŋ tapsyrmasy boiynşa «QazdorNİİ» tiıstı jūmystar jürgızude.
JOLSAPA öz kezegınde normativtık talaptardy äzırleuşı organ retınde emes, jol sapasyn baqylau barysynda naqty täjıribede kezdesetın mäselelerdı anyqtap, saladaǧy talaptar men sapany baǧalau täsılderın jetıldıru qajettıgın körsetetın käsıbi buyn retınde jūmys ısteidı.
Osy mäsele jaqynda ötken «Sapaly joldar: josparlaudan paidalanuǧa deiın» seminar-keŋesınde de talqylandy. Üş kündık ıs-şara barysynda joldardy josparlau, diagnostikalau, jöndeu jäne jobalau mäselelerımen qatar, jol salasynda qoldanylatyn normativtık talaptarǧa da erekşe nazar audaryldy.
Talqylau kezınde qoldanystaǧy normativtık qūjattardaǧy talaptardyŋ özara alşaqtyǧy köterılıp, olardy keşendı türde qaita qarau qajettıgı aityldy. Mūndai jūmys jol jūmystaryn jäne qoldanylatyn materialdardyŋ sapasyn baǧalauda bıryŋǧai täsıl qalyptastyruǧa mümkındık beredı.
Sapaly jol tek belgılengen talaptardy oryndau emes. Būl - zamanaui talaptar, sapaly materialdar, tehnologiianyŋ saqtaluy jäne jol qūrylysynyŋ barlyq kezeŋındegı tiımdı baqylau.
JOLSAPA jol aktivterınıŋ sapasyn baqylau jüiesın jetıldıru jäne jol sapasyn baǧalaudyŋ tiımdı ärı bırızdı täsılderın qalyptastyru baǧytyndaǧy jūmysyn jalǧastyrady.