QMA Batys Qazaqstan oblysy boiynşa departamentı avtomobil joldaryn kürdelı jöndeuge bölıngen biudjet qarajatyn jymqyru faktısı boiynşa tergeudı aiaqtady.
2023 jylǧy nauryzda memlekettık satyp alu qorytyndysy boiynşa «Syrym audandyq tūrǧyn üi-kommunaldyq şaruaşylyǧy, jolauşylar kölıgı jäne avtomobil joldary bölımı» MM men «Sapak» öndırıstık kooperativı arasynda Jympity auylyndaǧy joldardy jöndeuge 259 mln teŋge somasyna şart jasalǧan.
Alaida «Sapak» ÖK direktory «Ak-Bi» JŞS-nıŋ direktory söz bailasyp, senıp tapsyrylǧan qarajatty iemdenu shemasyn ūiymdastyrǧan.
Küdıktıler oryndalǧan jūmystar aktılerıne jalǧan mälımetterdı jüielı türde engızıp otyrǧan. Qūjattarda asfalt töseu, jer qazu, betondau, su qūbyrlaryn jürgızu jäne basqa da jol jūmystary tolyq kölemde körsetılgenımen, ıs jüzınde olar oryndalmaǧan nemese äldeqaida az kölemde atqarylǧan.
Jalǧan aktıler negızınde tapsyrys beruşı biudjet qarajatyn «Sapak» ÖK-nıŋ esepşotyna audaryp otyrǧan. Keiın qarajat shemaǧa qatysuşylar arasynda bölıngen.
Memleketke keltırılgen materialdyq zalal 56,5 mln teŋgenı qūrady.
Sot sanksiiasymen küdıktılerdıŋ bırınıŋ päterıne tyiym salyndy.
Olarǧa qatysty eşqaida ketpeu jäne tiıstı mınez-qūlyq turaly qolhat türındegı būltartpau şarasy qoldanyldy.
Qylmystyq ıs sotqa joldandy.
Būdan bölek, būǧan deiın sot ükımımen «Syrym audandyq tūrǧyn üi-kommunaldyq şaruaşylyǧy, jolauşylar kölıgı jäne avtomobil joldary bölımı» MM basşysy lauazymdyq ökılettıkterın terıs paidalanǧany üşın kınälı dep tanylǧan.
Qazaqstan Respublikasynyŋ Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
QR QMA Baspasöz qyzmetı