«Bızdıŋ basym mındetterımızdıŋ bırı – äleumettık infraqūrylymdy damytu. Olar – oqu oryndarynyŋ, medisinalyq mekemelerdıŋ, balabaqşalardyŋ, studentterge arnalǧan jataqhanalardyŋ, Oquşylar sarailarynyŋ, qoǧamdyq keŋıstıkterdıŋ (saiabaqtar, gülzarlar, jelekjoldar), aulalardyŋ jäne t.b. qūrylysy.
Mäselen, mektep turaly aitar bolsaq, 2024 jyly bılım oşaǧyn 12,5 myŋnan astam oquşy tämamdady. Al sol uaqytta bırınşı synypqa 28,5 myŋnan astam bala bardy. Bırınşı synyp oquşylarynyŋ sany tülekter sanynan 2 eseden asyp tüsedı. Tiısınşe qalada jyl saiyn mektepter salu qajet.
Qalany aralau barysynda M.Tölebaev pen Burabai, Ş.Qūdaiberdıūly daŋǧyly men I.Jansügırov köşelerınıŋ qiylystarynda, sol siiaqty Egemen Qazaqstan, İmanov köşelerınde ornalasqan bırqatar mekteptıŋ qūrylys barysymen tanystym.
Özderıŋız bıletındei, osy oqu jylynyŋ basynan berı 24 oqu ornyn salyp, qoldanysqa berdık. Būl – elorda üşın rekord. Atalǧan mektepter ekı auysymda 66 myŋǧa juyq oquşy ornyn aşuǧa mümkındık berdı. 24 oqu ornynyŋ – 16-sy jaily mektep. «Jaily mektep» ūlttyq jobasy aiasynda Memleket basşysynyŋ tapsyrmasy boiynşa jaŋa formatta 24 mektep salynady. Būl jaily mektepter ekı auysymda 90 myŋǧa juyq oquşy ornyn aşuǧa mümkındık beredı.
Jaŋa oqu jylynda taǧy 15 mektep aşudy josparlap otyrmyz. Oqu oryndarynyŋ qūrylysyna da jeke qarajat tartamyz.
Sondai-aq, jyl saiyn pedagog mamandyǧyna granttar böle otyryp, kadrlar daiarlaumen ainalysamyz. Qazırgı uaqytta qala äkımdıgınıŋ granty boiynşa JOO-da 2 myŋ 200-ge juyq adam bılım alyp jür», - dep jazdy Jeŋıs Qasymbek.