Astanada Jastar künıne orai «Jas Sarbaz» äskeri-patriottyq qozǧalysy men «Jasyl el» eŋbek jasaqtarynyŋ belsendılerı Qazaqstan Respublikasy Qaruly Küşterınıŋ Ūlttyq äskeri-patriottyq ortalyǧyna ekskursiia jasady, dep habarlaidy elorda äkımdıgınıŋ resmi saity.
Ekskursiia barysynda jastar ortalyqtyŋ tarihymen tanysyp, äskeri-patriottyq baǧyttaǧy ekspozisiialar men qūndy jädıgerlerdı tamaşalady. Sondai-aq Qazaqstan Qaruly Küşterınıŋ qalyptasu tarihy men äskeri qyzmettıŋ maŋyzy turaly aqparat aldy.
Is-şaranyŋ maqsaty – jastardyŋ el tarihyna degen qyzyǧuşylyǧyn arttyru, patriottyq qūndylyqtardy därıpteu, jauapkerşılık pen azamattyq belsendılıktı qalyptastyru.
«Jastardyŋ el tarihyn tanyp, äskeri-patriottyq qūndylyqtardy boiyna sıŋıruı öte maŋyzdy. Bügıngı ekskursiia barysynda olardyŋ qyzyǧuşylyǧy men belsendılıgın kördık. Osyndai taǧylymdy kezdesuler Otanǧa degen süiıspenşılıktı arttyryp, el aldyndaǧy jauapkerşılıktı tereŋ sezınuge yqpal etedı. Jastar – elımızdıŋ belsendı küşı. Sondyqtan olardyŋ bılımdı, otansüigış ärı eljandy azamat bolyp qalyptasuyna bırge üles qosuymyz qajet», – dedı «Jas Sarbaz» qozǧalysynyŋ Astana qalalyq filialynyŋ töraǧasy Aidarhan Mahanbet.
Astana qalasy äkımdıgı