Memleket basşysynyŋ bastamasymen 2024–2025 oqu jylynyŋ basynan bastap joba aiasynda 254 myŋ oquşy orny paidalanuǧa berıldı. 2025 jyldyŋ soŋyna deiın būl körsetkış 460 myŋǧa jetıp, jarty millionǧa juyq balanyŋ zamanaui, qauıpsız jäne jaily jaǧdaida bılım aluyna mümkındık berıledı.
Joba şeŋberınde bılım beru ortasynyŋ funksionaldyǧy men qauıpsızdıgıne erekşe män berılude. Mekteptegı keŋıstıkter oquşylardyŋ jas erekşelıkterın eskere otyryp ūiymdastyrylǧan: bastauyş jäne joǧary synyptarǧa arnalǧan bölek bloktar qarastyrylǧan. Qauıpsızdık şaralary zamanaui tehnikalyq şeşımder arqyly küşeitılıp, erekşe bılım beru qajettılıkterı bar balalar üşın kedergısız orta qūryluda.
«Jaily mektep» ülgısı boiynşa salynǧan jaŋa mektepter tiptık mektepterden 15–20%-ǧa keŋ, būl qosymşa oqu kabinetterı men demalys aimaqtaryn ornalastyruǧa mümkındık beredı. Mūndai mektepter zamanaui pändık kabinettermen – fizika, himiia, biologiia zerthanalarymen, kompiuterlık synyptarmen, STEM-zerthanalarmen jäne robototehnika kabinetterımen jabdyqtalǧan. Är oquşyǧa jeke şkaf pen jyljymaly parta berıledı. Sanitarlyq talaptarǧa säikes, mekteptıŋ är qabatynda auyzsu fontandary ornatylǧan. Sonymen qatar balalardyŋ şyǧarmaşylyq äleuetın damytu jäne käsıbi daǧdylardy qalyptastyru üşın ämbebap şeberhanalar, studiialar men käsıptık oqytu kabinetterı qarastyrylǧan.
Mektep infraqūrylymynda ekı kıreberısı bar ashanalar, iaǧni bastauyş jäne joǧary synyptar üşın bölek tamaqtanu aimaqtary ūiymdastyrylǧan. Sondai-aq mektepterde medisinalyq kabinetter därıger nemese medbike bölmesı, izoliator jäne proseduralyq bölmeden jasaqtalǧan.