QR sauda jäne integrasiia ministrı Arman Şaqqaliev Ükımet otyrysynda respublikadaǧy sauda salasynyŋ damuy turaly baiandady.
Ol bırınşı jartyjyldyqtyŋ qorytyndysy boiynşa saudanyŋ tūraqty ösuı qamtamasyz etılgenın atap öttı.
«Naqty kölem indeksı 105,7%-dy qūrady, sauda kölemı 36,2 trln teŋgege jettı, būl ötken jyldyŋ säikes kezeŋınen 15,3%-ǧa artty. Köterme sauda 6,6%-ǧa (24,5 trln teŋgege), bölşek sauda 3,8%-ǧa (11,5 trln teŋgege) östı. Jyl soŋyna deiın öŋdelgen tauarlar boiynşa satudyŋ boljamdy kölemı kemınde 40 trln teŋgenı qūrauy tiıs. Tauar ainalymynyŋ 70%-dan astamy bes öŋırge – Almaty, Astana, Şymkent qalalaryna, sondai-aq Atyrau jäne Qaraǧandy oblystaryna tiesılı. Eŋ joǧary ösım qarqyny Pavlodar oblysynda – 125,3%, Soltüstık Qazaqstan oblysynda – 121,8%, Türkıstan oblysynda – 121,4% jäne Şymkent qalasynda – 121,8% deŋgeiınde qamtamasyz etıldı. Oŋ serpındı saqtau maqsatynda ışkı saudany damytu jönındegı jüielı şaralar keşenı jüzege asyryluda», — dedı Arman Şaqqaliev.
Sondai-aq ministr sauda infraqūrylymyn damytuǧa memlekettık qoldau şaralaryn jüzege asyru jalǧasyp jatqanyn aitty. Bügıngı taŋda jalpy somasy 10 mlrd teŋgege 978 joba qarjylandyryldy. Sonymen qatar otandyq öndıruşılerdı qoldau jūmystary küşeitılude. Sauda jelılerımen bırlesıp, qazaqstandyq önımderge arnalǧan söre keŋıstıgı keŋeitıledı. Otandyq tauar öndıruşıler tızılımımen üilestırılgen otandyq önımder katalogy qalyptastyryluda. Jäne äkımdıktermen bırlesıp, önımsız deldaldarǧa baqylau küşeitılıp, tauar qozǧalysyn kezeŋ kezeŋmen qadaǧalau jüiesı engızıldı. Şikızattyq emes eksport boiynşa da oŋ dinamika saqtaluda.
«Bırınşı jartyjyldyqtyŋ qorytyndysy boiynşa şikızattyq emes tauarlar men qyzmetter eksportynyŋ kölemı 14,6%-ǧa ösıp, $14,9 mlrd-ty qūrady. Eksporttauşylardy qoldau şaralary men jetkızu geografiiasyn däiektı türde keŋeitemız. Jyl basynan berı 150-den astam otandyq kompaniianyŋ qatysuymen 7 sauda-ekonomikalyq missiia ūiymdastyryldy. Nätijesınde jalpy somasy $700 mln-nan astam somaǧa eksporttyq kelısımşarttarǧa qol qoiyldy. Eksporttyq-kredittık agenttık jelısı boiynşa 400 mlrd teŋgeden astam qarjylyq qoldau körsetıldı. Jyl soŋyna deiın saqtandyru qoldauynyŋ syiymdylyǧyn 1,2 trln teŋgege deiın arttyru josparlanuda», — dedı Arman Şaqqaliev.
Sondai-aq qazaqstandyq önımderdı şeteldık sauda jelılerınıŋ sörelerıne şyǧarudyŋ jaŋa qūraly ıske qosyldy. Sauda ministrlıgı salanyŋ nysanaly körsetkışterıne qol jetkızu boiynşa jüielı jūmysty jalǧastyrady.
#Sauda #Ekonomika #Ükımet otyrysy