Qūrylys basqarmasynyŋ basşysy Erlan Orynbaevtyŋ habarlauynşa, oblysta barlyǧy 181 nysannyŋ qūrylysy jürıp jatyr. Onyŋ ışınde 137 nysan jyl soŋyna deiın paidalanuǧa berılmek. Qalǧan 44-ı kelesı jylǧa ötpelı retınde qarastyrylǧan.
Bügınge künge deiın 30 nysan el igılıgıne tapsyryldy.
Atap aitqanda, 3 mektep, 3 densaulyq saqtau nysany, 12 injenerlık-kommunikasiialyq infraqūrylym jobasy, 3 mädeniet üiı, sondai-aq 8 tūrǧyn üi men 1 «Jaily mektep» paidalanuǧa berıldı.
Jyl soŋyna deiın 11 bılım beru, 6 densaulyq saqtau, 4 sport jäne 9 mädeniet nysany aşylady dep kütılude.
«Jaily mektep» ūlttyq jobasyna 2025 jyly 13,5 mlrd teŋge qarastyryldy. Jyl soŋyna deiın 3 mekteptıŋ qūrylysyn aiaqtau josparlanuda.
Auyl şaruaşylyǧy salasynda 5 maŋyzdy jobany jüzege asyru üşın 1,1 mlrd teŋge bölındı.
2025 jyldyŋ alǧaşqy 6 aiynyŋ qorytyndysy boiynşa qūrylys jūmystarynyŋ kölemı 11,5 paiyzǧa oryndaldy. Osy merzımde 317,7 myŋ şarşy metr tūrǧyn üi paidalanuǧa berıldı.
Biyl kezekte tūrǧan azamattardy tūrǧyn üimen qamtamasyz etuge 36 mlrd teŋge bölındı. Būl qarajattyŋ arqasynda 3 805 adam baspanaly bolady, onyŋ ışınde 1 865 azamat – halyqtyŋ äleumettık osal toptary sanatyna jatady.
Atap aitqanda, 14,5 mlrd teŋgege 2 550 päterlık 52 köpqabatty tūrǧyn üi salynsa, onyŋ 50-ın (2390 päterlı) jyl soŋyna deiın aiaqtau josparlanuda.
Būdan bölek, äleumettık osal sanattaǧy azamattardy qoldau maqsatynda respublikalyq biudjet esebınen 21,5 mlrd teŋgege 1 415 jalǧa berıletın päter satyp alynbaq.
Oblys äkımı öz sözınde qūrylys jūmystarynyŋ sapasy men merzımıne qatysty jüielı mäselelerdıŋ bar ekenın basa aitty. Osyǧan bailanysty öŋır basşysy jobalyq-smetalyq qūjattamalardy äzırleitın kompaniialardyŋ jauapkerşılıgın zaŋ aiasynda qarastyrudy tapsyrdy.
– Qūrylys, kürdelı jöndeu jäne qaita jaŋǧyrtuǧa qatysty jobalyq-smetalyq qūjattar säulet jäne qalaqūrylysy basqarmasyna qarasty «Art biuronyŋ» mūqiiat saraptamasynan ötuı qajet, – dedı Erbol Qaraşökeev. – Būl qūrylym biudjet qarajatyn tiımdı igeruge jäne jobalyq qūjattardy negızsız qymbattatuǧa jol bermeuge tiıs, – dep naqtylady.
Sonymen bırge qūrylys jūmystarynyŋ merzımınen keşıguıne bailanysty ekı negızgı sebeptı atap öttı.
– Qūrylys jūmystarynyŋ keşıguıne köbıne keş qarjylandyru nemese sot şeşımınıŋ negızınde toqtatyluy sebep. Jyldyq josparlau naqty jürgızılıp, mümkındıgı bola tūra memlekettık satyp alu räsımderın keiınge qaldyrmau kerek, – dedı öŋır basşysy. – Qūrylys jūmystary sot şeşımımen bekerden-beker toqtatylmaidy. Sondyqtan josyqsyz merdıgerlerge zaŋ aiasynda tiıstı şaralar qoldanyluy kerek. Aldaǧy uaqytta «sany bar, sapasy joq» merdıgerler öz mümkındıgın naqty baǧalap baryp ǧana konkursqa qatysatyn bolady, – dep tüiındedı Erbol Qaraşökeev.
Apparatyq keŋes qorytyndysy boiynşa biyl josparlanǧan qūrylys nysandaryn baqylap, jūmystardyŋ sapaly ärı uaqytynda aiaqtaluyn qamtamasyz etu, tūrǧyn üige mūqtaj azamattarǧa arnalǧan baspanalardy satyp aludy jedeldetu tapsyryldy.
Baspasöz qyzmetı