Bügın oblys äkımı Mūrat Ergeşbaevtyŋ töraǧalyǧymen Jalaǧaş audanynda ötken aktiv otyrysynda audannyŋ jaŋa basşysy tanystyryldy.
Qazaqstan Respublikasy Prezidentı Äkımşılıgı jäne Jalaǧaş audandyq mäslihatynyŋ kelısımderı negızınde oblys äkımınıŋ ökımımen Jalaǧaş audanynyŋ äkımı lauazymyna Töraliev Erlan Kärımbekūly taǧaiyndaldy.
Aimaq basşysy audannyŋ būrynǧy äkımı Ardaq İbraimovqa alǧys bıldırıp, jaŋa äkımnıŋ qyzmetıne sättılık tıledı, äleumettık-ekonomikalyq damu baǧdaryna qatysty bırqatar mındet jüktedı.
«Eŋ aldymen investisiia tartu, salyq bazasyn ūlǧaitu, jaŋa jūmys oryndaryn aşu, käsıpkerlıktı damytu baǧytyndaǧy maŋyzdy jobalardy jüzege asyryp, qoǧamdyq-saiasi tūraqtylyqty saqtauda naqty jūmystar jürgızu qajet.
Auyl şaruaşylyǧy önımderın öndırude üzdık audandardyŋ bırı retınde tanylǧan
Jalaǧaştyŋ erekşe agrarlyq potensialy tiımdı paidalanyluy tiıs.
Soŋǧy jyldardaǧy su tapşylyǧyn eskere otyryp, egıstı ärtaraptandyru, sudy az qajet etetın daqyldar egu jäne şaruaşylyqtarǧa ozyq tehnologiialardy engızu maŋyzdy.
Sonymen qatar, Ükımet basşysynyŋ tapsyrmasyna säikes ırı şaruaşylyqtar tek egın ǧana emes, mal şaruaşylyǧyn da damytyp, jyl boiy jūmys jasaityn jobalardy jüzege asyruy kerek», – dedı Mūrat Nälqojaūly.
Jiynda el aǧalary İmamzada Şaǧyrtaev, Sadyq Äliev, Ämırbek Şaimaǧanbetov, Qabylbek Nūrmaǧanbetov ızgı tılek bıldırdı.
Erlan Kärımbekūly 1977 jyly Qyzylorda qalasynda düniege kelgen. Qorqyt Ata atyndaǧy Qyzylorda memlekettık universitetın «Önerkäsıp jäne azamattyq qūrylys», «Ekonomika jäne menedjment» mamandyqtary boiynşa tämamdaǧan.
Eŋbek jolyn «Farmasiia» aksionerlık qoǧamynda menedjer bolyp bastap, keiın memlekettık organdar men jeke sektorda türlı jauapty qyzmetter atqarǧan.
2004-2013 jyldary oblys äkımı apparatynyŋ bas inspektory, Qyzylorda qalasy äkımınıŋ orynbasary, oblystyq qūrylys basqarmasy basşysynyŋ orynbasary, basqarma basşysy jäne oblys äkımınıŋ keŋesşısı boldy.
2013-2020 jyldary jeke qūrylys kompaniiasynyŋ direktory, «Memsaraptama» RMK bas direktorynyŋ bırınşı orynbasary, sondai-aq «Qazaqstandyq tūrǧyn üi-kommunaldyq şaruaşylyǧyn jaŋǧyrtu jäne damytu ortalyǧy» AQ basqarma töraǧasynyŋ orynbasary bolyp eŋbek ettı.
2022 jyldyŋ säuır aiynan bastap Qyzylorda oblysynyŋ qūrylys, säulet jäne qala qūrylysy basqarmasynyŋ basşysy qyzmetın atqaryp keldı.
Baspasöz qyzmetı