Bügın Qyzylorda oblysynyŋ äkımı Nūrlybek Nälıbaevtyŋ qatysuymen «Öner ortalyǧynda» 8 nauryz – Halyqaralyq äielder künıne arnalǧan «Ana – älemnıŋ besıgı» atty saltanatty şara öttı. Aimaq basşysy analar men qyz-kelınşekterdı köktemnıŋ körkem merekesımen qūttyqtady.

«Prezidentımız «Äielder qauymynyŋ otbasyndaǧy, qoǧam ömırındegı jäne memlekettı jan-jaqty damytu ısındegı rölı orasan zor. Qyz-kelınşekter öndırıste, şyǧarmaşylyq jolynda, saiasat, biznes jäne basqa da köptegen salada biık belesterdı baǧyndyryp keledı», – degen bolatyn. 


Täuelsız Qazaqstannyŋ tolaǧai tabystary men Syr öŋırınıŋ bügıngı jetıstıkterınıŋ barlyǧynda äielder qauymynyŋ öz qoltaŋbalary bar. 

Analarymyzdyŋ ruhynan küş, ūlaǧatynan tälım alǧan arularymyz bügınde ekonomikamyzdyŋ barlyq salasynda tabysty eŋbek etedı. 

Oblys boiynşa memlekettık qyzmetşılerdıŋ 45 paiyzy, medisina qyzmetkerlerınıŋ 88 paiyzy, ūlaǧatty ūstazdardyŋ 78 paiyzy, jalpy biudjettık salanyŋ 62 paiyzy, şaǧyn jäne orta bizneste eŋbek etetınderdıŋ 55 paiyzy qyz-kelınşekter.


Syr öŋırınıŋ ösıp-örkendeuıne qosqan eleulı eŋbekterıŋız üşın Sızderge barşa Syr jūrtşylyǧynyŋ atynan şynaiy alǧysymdy, zor rizaşylyǧymdy bıldıremın. Bız, er-azamattar Sızderdı joǧary baǧalaimyz, qūrmettep, qadırleimız. Näzık jandarǧa degen bızdıŋ yqylasymyz, niet-tılegımız ärdaiym erekşe.

Bır qolymen besıktı, ekınşı qolymen älemdı terbegen ardaqty analarymyz el erteŋıne när, tırşılıkke är berıp keledı. Aldaǧy uaqytta da ūltymyzdyŋ baiandy bolaşaǧy jolynda aianbai eŋbek ete berulerıŋızge tılektespın!», – dedı Nūrlybek Maşbekūly.

Saltanatty şarada şuaqty mereke qarsaŋynda Memleket basşysynyŋ Jarlyǧymen «Parasat», «Qūrmet» ordenderımen, «Eren eŋbegı üşın» medalımen nagradtalǧan qyzyloralyq äiel-analarǧa marapattary tabystaldy. Sonymen qatar, «Mädeniet salasynyŋ üzdıgı» tösbelgısı, Qyzylorda oblysynyŋ Qūrmet gramotasy, oblys äkımınıŋ Alǧys haty mereke ielerınıŋ mereiın asyrdy. Aita keteiık, Aqordada ötken qabyldauda «Qyzylorda» telearnasynyŋ bas redaktory Tūŋǧyşbaeva Ainūr Nūrlanqyzy «Eren eŋbegı üşın» medalın Memleket basşysynyŋ qolynan aldy. 

Būl – Syr öŋırındegı ısker äielder qauymynyŋ adal eŋbegıne berılgen laiyqty baǧa.

Aimaqta 48 myŋnan astam köpbalaly otbasy bolsa, onyŋ 17 myŋǧa juyǧy «Altyn alqa» jäne «Kümıs alqa» iegerlerı. Altyn qūrsaqty analar demografiialyq ahualdy jaqsartuǧa zor üles qosyp keledı. Öŋırde otbasy institutyn damytu jäne analardy äleumettık qoldau baǧytynda jüielı jūmystar jürgızılude.

Belgılı käsıpker Marat Düisenbaevtyŋ demeuşılıgımen «Anaǧa taǧzym» ortalyǧy salynǧan. Ortalyqta ekı jyldyŋ ışınde 40 myŋǧa juyq ana men qyz-kelınşekke qyzmet körsetıldı. Sonymen qatar, keiıngı jyldary boi kötergen «Otbasy ortalyǧynda» bolaşaqta şaŋyraq köteretın jastar men jas otbasylarǧa psihologiialyq jäne qūqyqtyq keŋester berılıp, memlekettık baǧdarlamalar men jobalar boiynşa aqparattyq-tüsındırme jūmystary jürgızıldı.

Oblystaǧy barlyq 7 audanda zamanaui ülgıdegı «Ruhaniiat ortalyqtary» salynyp, paidalanuǧa berıldı. Atalǧan ortalyqtarda muzei men kıtaphana jūmys ısteidı. 

Aita ketu kerek, öŋırde soŋǧy ekı jyl qatarynan «Anaǧa taǧzym» respublikalyq forumy ötkızılıp keledı.


@Qyzylorda oblysy äkımınıŋ baspasöz qyzmetı