Jaz mezgılınde qalalyq qyzmetter men ekologter Esıl özenı men onyŋ jaǧalau aumaǧyn tazartu boiynşa keşendı jūmystar jürgızude. Oǧan baldyrlar men qoqysty tazartu, sondai-aq zamanaui biologiialyq tazartu ädısterın qoldanu kıredı, dep habarlaidy Astana äkımdıgınıŋ resmi saity.
Mamandardyŋ mälımetınşe, biyl Esıl özenınıŋ jekelegen uchaskelerınde sudyŋ güldenuı köpjyldyq körsetkışterden asyp tüsken. Būǧan aua temperaturasynyŋ qalyptan tys joǧary boluy men su deŋgeiınıŋ tömendeuı negızgı sebep bolyp otyr.
Özennıŋ jaǧdaiyna syrtqy faktorlar da äser etedı. Su sapasy qatty aǧysta ornalasqan tūstardaǧy jaǧdaiǧa da bailanysty.
Būdan bölek, azot pen fosfor qosylystary siiaqty biogendık zattar, sondai-aq organikalyq lastaǧyştar qosymşa salmaq tüsıredı.
Sarapşylardyŋ aituynşa, Esıl özenı men onyŋ Sarybūlaq jäne Aqbūlaq jylǧalaryna rūqsatsyz aǧyndy sulardyŋ tögılu yqtimaldyǧyn da tolyq joqqa şyǧaruǧa bolmaidy. Būl faktorlardyŋ barlyǧy baldyrdyŋ qarqyndy köbeiuıne yqpal etedı.
Jaǧdaidy jedel baqylau üşın beiındı mekemeler Astana qalasynyŋ Ekologiia departamentımen bırlesıp, problemaly uchaskelerge tūraqty türde tekseru jürgızıp, su synamalaryn alady.
Zerthanalyq zertteu nätijelerı negızınde mamandar su aidynynyŋ qazırgı jai-küiın baǧalaidy.
Özen akvatoriiasynda kün saiyn sanitarlyq tazalau jūmysy jürgızıledı. Qamys şabatyn tehnikalar, su ösımdıkterın jinauǧa arnalǧan arnaiy pontondar men jüzu qūraldary baldyrlar köp jinalǧan uchaskelerdı tazartu üşın paidalanylady. Äsırese jaǧalau boiyndaǧy halyq köp demalatyn oryndarǧa erekşe nazar audarylady. Sonymen qatar jaǧalau aumaǧy tūraqty türde tazartylyp otyrady.
Su ainalymy baiau, tūryp qalǧan uchaskelerde jasyl mikrobaldyr – hlorella suspenziiasyn qoldanu josparlanyp otyr.
Būl ädıs himiialyq zattardy qoldanuǧa ekologiialyq tūrǧydan qauıpsız balama retınde qarastyrylady. Hlorella azot pen fosfor qosylystaryn – kök-jasyl baldyrlardyŋ köbeiuıne yqpal etetın qorektık zattardy belsendı türde sıŋıredı. Sonyŋ nätijesınde olardyŋ ösuın tejep, su aidynyndaǧy tabiǧi biologiialyq tepe-teŋdıktıŋ qalpyna keluıne yqpal etedı.
Fotosintez prosesı kezınde hlorella sudy ottegımen baiytyp, balyqtar men basqa da su januarlary üşın qolaily orta qalyptastyrady. Sondai-aq sudyŋ tabiǧi jolmen özdıgınen tazaruyna äser etedı.
Mamandardyŋ aituynşa, qoldanylatyn hlorella suspenziiasy uly emes ärı su ekojüiesıne, onyŋ ışınde balyqtarǧa, qūstarǧa jäne su ösımdıkterıne qauıpsız.
Ekologtar hlorellany qoldanudyŋ nätijesı bırden baiqalmaitynyn atap öttı.
Biologiialyq tepe-teŋdıktıŋ qalpyna keluı belgılı bır uaqytty qajet etedı, al alǧaşqy nätijeler suspenziia engızılgennen keiın bırneşe aptadan soŋ körıne bastaidy.
Astana äkımdıgınıŋ baspasöz qyzmetı