Aituly oqiǧa Memleket basşysy Qasym-Jomart Toqaevtyŋ Erevanǧa jasaǧan resmi sapary barysynda qol jetkızılgen memleketter basşylary arasyndaǧy kelısım nätijesınde jüzege asty.
Saltanatty ıs-şaraǧa Qazaqstan Respublikasynyŋ resmi delegasiiasyn bastap barǧan QR Mädeniet jäne aqparat ministrı Aida Balaeva, Armeniia Respublikasynyŋ Bılım, ǧylym, mädeniet jäne sport ministrı Janna Andreasian, Erevan qalasy merınıŋ bırınşı orynbasary Armen Pambuhchian, Qazaqstan Respublikasynyŋ Armeniia Respublikasyndaǧy Tötenşe jäne Ökılettı Elşısı Bolat İmanbaev, sondai-aq qos eldıŋ ziialy qauym ökılderı, jergılıktı tūrǧyndar men armian astanasynyŋ qonaqtary qatysty.
Saiabaqtyŋ aşylu saltanatynda qysqaşa söz söilegen Aida Balaeva Armeniia bilıgıne jäne jobanyŋ jüzege asuyna atsalysqan barlyq azamattarǧa alǧysyn bıldırdı. Ministr būl oqiǧanyŋ ekı el arasyndaǧy mädeni yntymaqtastyqtyŋ jaŋa kezeŋın bıldıretının atap öttı.
- Bız bügın tarihi oqiǧanyŋ kuäsı bolyp otyrmyz. Armeniia astanasynda qazaqtyŋ ūly aqyny ärı oişyly Abai Qūnanbaiūlyna arnalǧan saiabaq aşyldy. Qazaqstan Respublikasynyŋ Prezidentı Qasym-Jomart Toqaev Armeniia Respublikasyna resmi sapary aiasynda Astana qalasyndaǧy bır köşege armian älıpbiınıŋ negızın qalauşy Mesrop Maştos esımın beru turaly ekıjaqty kelısım jasalǧany belgılı. Bügın bız sol kelısımnıŋ, dostyq pen tyǧyz mädeni bailanystardyŋ aiqyn körınısıne ainalǧanyn körıp otyrmyz, - dedı QR Mädeniet jäne aqparat ministrı.
Saltanatty ıs-şara aiasynda Qazaqstan men Armeniia ministrlerı ekı el arasyndaǧy mädeni bailanystardyŋ tamyry tereŋdep, bolaşaqta odan ärı nyǧaia tüsetınınıŋ nyşany retınde saiabaqqa aǧaş otyrǧyzdy.
Aita keteiık, Abaiǧa arnalǧan eskertkışter, biustter men memorialdyq taqtalar älemnıŋ ondaǧan elınde – Bosniia jäne Gersegovina, Germaniia, Gruziia, İran, Koreia, Qytai, Qyrǧyzstan, Vengriia, Egipet, Özbekstan, Rumyniia, Türkiia, Türıkmenstan, Fransiia, Şveisariia jäne Tatarstanda (Resei) ornatylǧan.
Merekelık ıs-şara soŋy Abai Qūnanbaiūlynyŋ «Segız aiaq» şyǧarmasyn oryndaǧan Qazaqstannyŋ dombyraşylar ansamblı men Avan Mädeniet üiınıŋ jas önerpazdarynyŋ konsertımen jalǧasty. Sonymen qatar qonaqtar qazaq halqynyŋ ūlttyq mädenietımen, zamanaui ädebietımen jäne dästürlı taǧamdarymen tanysty.
Bügın ministr Aida Balaeva bastaǧan qazaqstandyq delegasiia Mesrop Maştos atyndaǧy köne qoljazbalar ǧylymi-zertteu instituty – Matenadaranǧa baryp, armian halqynyŋ ejelgı jazba mūrasymen, onyŋ ışınde armian älıpbiınıŋ negızın qalauşynyŋ qoltaŋbasy bar delınetın manuskripttermen tanysty.
Mädeni künder bügın Erevan qalasyndaǧy Aram Hachaturian atyndaǧy ortalyq konsert zalynda ötetın gala-konsertpen qorytyndylanady.
Mädeniet jäne aqparat ministrlıgınıŋ baspasöz qyzmetı