Is-şaraǧa Jambyl oblysynyŋ äkımı Erbol Qaraşökeev, QR Prezidentı Äkımşılıgınıŋ memlekettık inspektory Baǧlan Qaziev, audan äkımı Ernar Esırkepov, sondai-aq audandyq qoǧamdyq jäne ardagerler keŋesterınıŋ töraǧalary men belsendı jastar qatysty.
Oblys äkımı Erbol Qaraşökeev öz sözınde tabiǧi su közderın qorǧauǧa baǧyttalǧan «Möldır būlaq» aksiiasy «Taza Qazaqstan» tūjyrymdamasynyŋ maŋyzdy bölıgıne ainalǧanyn atap öttı.
– Halqymyzda «Būlaq körseŋ, közın aş» degen naqyl söz bar. Būl aksiia öskeleŋ ūrpaqtyŋ ekologiialyq mädenietın qalyptastyruǧa yqpal etedı. Barşa qatysuşylarǧa alǧysymdy bıldıremın. Aldaǧy uaqytta da osyndai igı ıster jalǧasyn tabatynyna senımdımın, – dedı öŋır basşysy.
Būdan keiın audandyq ardagerler keŋesınıŋ töraǧasy Qojaihan Bijanov aq batasyn berdı.
Aksiia aiasynda Qūlan auylyndaǧy Sūlutör tau bökterınde būlaq közı aşylyp, aumaqty abattandyru jäne kögaldandyru jūmystary jürgızıldı.
– Bügın qūlandyq jastar jauyn-şaşynǧa qaramastan bırıgıp, būlaqtyŋ közın aşyp, ainalasyn kül-qoqystan tazartty. Būl – tuǧan jer aldyndaǧy ortaq paryzymyz, – dedı belsendı jas Jandos Ruslan.
Aita keteiık, Jambyl oblysynda jyl basynan berı «Taza Qazaqstan» jalpyhalyqtyq ekologiialyq aksiiasyna 18 myŋnan astam adam jäne 850 käsıporyn men mekeme qatysty.
Senbılıkter barysynda 45,8 myŋ tüp jasyl jelek otyrǧyzylyp, 1,8 myŋ şaqyrym köşe joldary, 410 şaqyrym aryq jüielerı men kanaldar, sondai-aq 72,4 myŋ şarşy metr saiabaqtar men skverlerdıŋ aumaǧy tazalandy. Sonymen qatar 1,8 myŋ tonna kül-qoqys şyǧaryldy.
Äkımdıktıŋ baspasöz qyzmetı