Elordanyŋ Almaty audanynda «Halyq qatysatyn biudjet» baǧdarlamasy aiasynda Ǧabiden Mūstafin köşesı, 5/1 mekenjaiynda ornalasqan üşınşı kürdelı abattandyrylǧan aula paidalanuǧa berıldı, dep habarlaidy elorda äkımdıgınıŋ resmi saity.
2026 jylǧa arnalǧan «Halyq qatysatyn biudjet» baǧdarlamasynyŋ qorytyndysy boiynşa atalǧan mekenjaida ornalasqan tūrǧyn üi tūrǧyndary «100+ päter» sanatynda 2-oryn ielengen.
Sonyŋ nätijesınde biyl aula aumaǧynda keşendı abattandyru jūmysy jürgızıldı.
Saltanatty ıs-şaraǧa Almaty audany äkımınıŋ orynbasary Maqsat Tasbolat, Astana qalasy mäslihatynyŋ deputaty Azamat Ömırzaqov jäne audan tūrǧyndary qatysty.
Aulada tūrǧyndardyŋ jaily demalysyna arnalǧan infraqūrylym tolyq jaŋartyldy. Atap aitqanda, aumaqqa jaŋa asfalt töselıp, kespetaspen jabdyqtalǧan trotuarlar salyndy. Sondai-aq bordiurler men palisadtar jaŋartylyp, balalar alaŋyna zamanaui oiyn keşenderı men şaǧyn säulettık nysandar ornatyldy. Alaŋǧa tartan jabyny töselıp, kögaldandyru jūmysy jürgızılgen.
Būdan bölek, aulada workout elementterı bar zamanaui sporttyq-jattyǧu aimaǧy jabdyqtalyp, oryndyqtar men qoqys jäşıkterı ornatyldy.
Is-şarada alǧaşqy bolyp söz alǧan Almaty audany äkımınıŋ orynbasary Maqsat Tasbolat tūrǧyndardy aulanyŋ jaŋartyluymen qūttyqtady.
«Qūrmettı tūrǧyndar! İgılıkterıŋızge berılıp jatqan jaŋartylǧan aulada balalaryŋyz asyr salyp oinap, ösıp-öne berıŋızder. Osy auladan bolaşaqta elımızdıŋ tuyn biıkke köteretın sportşylar şyqsyn. Sızderdı şyn jürekten qūttyqtaimyn», – dedı Maqsat Tasbolat.
Öz kezegınde Astana qalasy mäslihatynyŋ deputaty Azamat Ömırzaqov bastamaşyl topqa alǧysyn bıldırdı.
«Būl jai ǧana aumaq emes, būl – bırınşı kezekte otbasy müşelerı körşılerdıŋ ortasynda tamaşa keşterdı bırge ötkızuge, balalardyŋ bos uaqytyn qyzyqty ötkızuıne arnalǧan bırden-bır oryn. Aulany jaŋǧyrtuǧa zor üles qosqan bastamaşyl topqa, merdıger ūiymǧa, audan äkımdıgıne alǧys bıldıremız», – dedı Azamat Ömırzaqov.
Audan äkımdıgınıŋ mälımetınşe, Almaty audanynda «Halyq qatysatyn biudjet» baǧdarlamasy aiasynda jüzege asyrylyp jatqan barlyq aula 1 mausymǧa deiın aiaqtalyp, paidalanuǧa berıledı.