2027 jylǧy 22-30 mamyr aralyǧynda Astana qalasynda üstel tennisınen älem chempionaty ötedı. Osylaişa Qazaqstan atalǧan jahandyq dodany qabyldaityn Ortalyq Aziiadaǧy alǧaşqy memleket atanady.
10 mamyr künı Londonda ötken komandalyq älem chempionaty barysynda Qazaqstanǧa Halyqaralyq üstel tennisı federasiiasynyŋ (ITTF) tuy resmi türde tabystaldy. Būl – elımızdıŋ älem chempionatyn ötkızuge daiyndyqty bastaǧanyn bıldıretın maŋyzdy räsım.
Qazaqstan 2027 jylǧy älem chempionatyn ötkızu qūqyǧyna 2025 jyly ITTF Bas assambleiasynyŋ şeşımımen ie boldy. Dauys berudıŋ qorytyndy kezeŋınde Qazaqstan 111 dauys jinap, Fransiiany basyp ozdy.
Älem bırınşılıgıne sportşylar, jattyqtyruşylar, töreşıler, delegattar jäne halyqaralyq sport qauymdastyǧynyŋ ökılderın qosa alǧanda, şamamen 1250 qatysuşy keledı dep kütılude.
Būl – Qazaqstandaǧy üstel tennisın damytu baǧytyndaǧy jüielı jūmystyŋ nätijesı. Qazırgı taŋda elımızde 260 myŋnan astam adam üstel tennisımen tūraqty türde ainalysady. Onyŋ ışınde 10 myŋnan astamy – käsıbi sportşylar. Respublika boiynşa 12 mamandandyrylǧan üstel tennisı ortalyǧy jūmys ısteidı. Sonymen qatar Qostanai, Oral, Semei jäne Almaty qalalarynda jaŋa ortalyqtardyŋ qūrylysy men jobalau jūmystary jürgızılıp jatyr.
Soŋǧy jyldary elımızde 30-ǧa juyq üstel tennisı bölımşesı men 35 mamandandyrylǧan zal aşyldy. Öŋırlerge 650-den astam käsıbi tennis üstelı satyp alyndy. Sonymen bırge «Balabaqşadan bastalatyn üstel tennisı» jobasy aiasynda mektepke deiıngı ūiymdarda arnaiy seksiialar jūmys ıstei bastady.
Qazaqstandyq sportşylar halyqaralyq arenada da joǧary nätijeler körsetıp keledı. 2025 jyly ūlttyq qūrama sportşylary halyqaralyq reitingtık turnirlerde 47 medal jeŋıp aldy. Erler qūramasy İslam yntymaqtastyǧy oiyndarynda chempion atansa, qazaqstandyq tennisşıler älem jäne Aziia chempionattarynda sättı öner körsettı.
Aita ketu kerek, Qazaqstan būǧan deiın de ırı halyqaralyq jarystardy ūiymdastyru täjıribesıne ie. 2024 jyly Astanada üstel tennisınen XXVII Aziia chempionaty ötıp, jarysqa 25 elden 195 sportşy qatysty. Būl chempionat Ortalyq Aziia aumaǧynda alǧaş ret ūiymdastyrylǧan qūrlyqtyq doda retınde tarihqa endı.
2027 jylǧy älem chempionaty – Qazaqstan sporty üşın maŋyzdy oqiǧa. Atalǧan turnir elımızdıŋ halyqaralyq sport keŋıstıgındegı bedelın arttyryp, üstel tennisınıŋ odan ärı damuyna jaŋa serpın beredı.