Arman Jūmageldievke qatysty ıs boiynşa sot tergeuı jeltoqsan aiynda aiaqtalǧan bolatyn. Aiyptalǧan küdıktılerge qatysty sot prosesı jabyq öttı. Prokuror «Dikii Armanǧa» 20 jyl, Qairat Qūdaibergenge 8 jyl sūrady. Arman Jūmageldievke qaŋtar oqiǧasy kezınde 24 adamdy ūrlap kettı dep aiyp taǧylǧan bolatyn. Osylaişa 20 jylǧa sottaldy.
Byltyr 21 qyrküiekte Arman Jūmageldiev pen Qairat Qūdaibergen jäne basqa da tūlǧalarǧa qatysty qylmystyq ıs boiynşa aldyn ala tyŋdau aiaqtalǧany turaly BAQ tarda jariialanǧan.
Aita ketu kerek, kriminaldy avtoritet Arman Jūmageldiev 2022 jyly 7 qaŋtarda ūstaldy. Is boiynşa aiyptaluşylar qatarynda Almaty qalasy mäslihatynyŋ būrynǧy deputaty Qairat Qūdaibergen men Ūlttyq qauıpsızdık komitetınıŋ polkovnigı Ruslan Ysqaqov jäne taǧy basqa da tūlǧalar bar. Bas - aiaǧy 42 adam aiyptalǧan.
Olarǧa «bilıgın asyra paidalanu», ūiymdasqan qylmystyq top qūru jäne oǧan basşylyq jasau, qaraqşylyq şabuyl, zaŋsyz adamdardy bostandyǧynan aiyru, jappai tärtıpsızdık ūiymdastyru, sondai-aq banditizm boiynşa aiyp taǧylǧan.