Klub otbasy men mektep arasyndaǧy özara ärekettestıktı küşeituge, ata-analardyŋ pedagogikalyq mädenietın arttyruǧa jäne ūlttyq tärbie qūndylyqtaryn saqtauǧa baǧyttalǧan alaŋ retınde qyzmet etedı.
Klub jūmysy aiasynda «Äke ösietı», «Äje danalyǧy», «Aǧa qamqorlyǧy» baǧyttary boiynşa kezdesuler, treningter jäne tärbielık ıs-şaralar ötkızıledı. Būl sabaqtar ūrpaqtar sabaqtastyǧyn nyǧaituǧa jäne otbasylyq dästürlerdı nasihattauǧa baǧyttalǧan.
2025-2026 oqu jylynyŋ basynan berı klub aiasynda şamamen 33 myŋ ıs-şara ūiymdastyryldy. Biylǧy oqu jylynda sabaqtardyŋ mazmūny zamanaui tärbielık mındetterdı eskere otyryp jaŋartyldy.
Balalardyŋ ekologiialyq mädenietın qalyptastyruǧa, ūrpaqtar arasyndaǧy üilesımdı qarym-qatynasty damytuǧa, oquşylardy kıtap oquǧa bauluǧa, qarjylyq sauattylyqty arttyruǧa, sondai-aq öskeleŋ ūrpaqty tärbieleudegı otbasy müşelerınıŋ rölı men jauapkerşılıgın ūǧyndyruǧa erekşe nazar audaryluda.
Eske sala keteiık, ata-analardy pedagogikalyq qoldau ortalyqtary 2023 jyldan bastap elımızdıŋ barlyq mektepterınde «Adal Azamat» bırtūtas tärbie baǧdarlamasy aiasynda jūmys ısteidı. «Danalyq mektebı» kluby tek ıs-şaralar ūiymdastyru formaty retınde ǧana emes, sonymen qatar otbasylyq qūndylyqtardy nyǧaituǧa, özara qūrmettı qalyptastyruǧa jäne ärbır qoǧam müşesınıŋ azamattyq jauapkerşılıgın arttyruǧa yqpal etetın ruhani-tärbielık alaŋ retınde qarastyrylady.