«Anaǧa taǧzym» ortalyǧynda ūlttyq qolönerdı zamanaui tehnologiialarmen ūştastyryp, kreativtı käsıpkerlerdıŋ jaŋa önım äzırleuıne mümkındık bergen «Creative Battle: AI × Ūlttyq qolöner» saiysy öz märesıne jettı. Hakaton jäne battl elementterın bırıktırgen joba maqsaty – ūlttyq mädeni mūrany saqtai otyryp, jaŋa ideialar negızınde Syr öŋırınıŋ brendtık erekşelıgın aiqyndaityn, naryq sūranysyna sai jaŋa önımderdı äzırleuge qoldau körsetu.
Joba aiasynda aldymen qatysuşylar üşın akselerasiialyq kezeŋ ūiymdastyrylyp, olar öz ideialaryn jetıldıru, önım tūjyrymdamasyn qalyptastyru jäne ony naryqqa beiımdeu baǧytynda praktikalyq jūmystar jürgızdı.
Al ırıkteu kezeŋınde qatysuşy komandalar «Syrdan syi» taqyryby aiasynda äzırlegen önımderın tanystyryp, olardyŋ Syr öŋırınıŋ brendtık erekşelıgın qalai körsetetının qazylar alqasynyŋ aldynda qorǧady. Nätijesınde qazylar alqasynyŋ şeşımımen «Creative queens», «Örnek», «Korik-ai», «Tūmar», «Syr örımı» jäne «Aydia» komandalary finaldyq kezeŋge joldama aldy.
Öŋırdegı kreativtı industriiany damytuǧa baǧyttalǧan joba erejesıne sai finaldyq kezeŋde qatysuşylar QR Ekonomikalyq qyzmet türlerınıŋ jalpy jıkteuışıne (OKED) säikes daiyn toqyma būiymdary, ūlttyq kiım jäne aksessuarlar, bylǧary būiymdar, aǧaştan jäne tabiǧi materialdardan jasalǧan būiymdar, keramikalyq tūrmystyq jäne sändık būiymdar, zergerlık būiymdar sondai-aq, kädesyi jäne özge de daiyn būiymdar baǧyttary boiynşa öz jūmystaryn ūsyndy. Daiyn būiymdardy qaita öŋdeu arqyly jaŋa önım jasau qabıletterın de tanytty.
Qolöner şeberı, dizainer jäne Jİ mamanynan qūralǧan komandalar jūmysy önımnıŋ kreativtılıgı, jasalu tehnikasy, sapasy, qaptamasy, körkem bezendırıluı jäne marketingtık qūraldardy tiımdı paidalanuy boiynşa baǧalandy.
Saiys qorytyndysy boiynşa jeŋımpaz komandalar Bas jülde, I, II jäne III därejelı diplomdarmen, sondai-aq yntalandyru syilyqtarymen marapattaldy. Jülde qory 1 000 000 teŋgenı qūraǧan joba käsıpkerlerdıŋ täjıribe almasuyna, şyǧarmaşylyq äleuetın damytuyna septıgın tigızıp, ūlttyq qolöner men zamanaui tehnologiianyŋ jaŋa mümkındıkterın toǧystyrǧan kreativtı alaŋǧa ainaldy.