Taǧy bır erekşelıgı - el arasyndaǧy qarapaiym ǧana oqiǧalardyŋ özın ūlttyq deŋgei ölşemınen asyryp, adamzattyq biıkke şyǧara bıluınde. Kezınde şäkırtterı marqūm Köpen Ämırbek "Jürsın - aqyndar universitetınıŋ eşqandai būiryqsyz bekıtılgen rektory" degen edı. Rasynda, būl - ülken teŋeu. Jürsın Erman - 1951 jyly 12 aqpanda Qaraǧandy oblysy, Ūlytau audanynda düniege kelgen. Äl-Farabi atyndaǧy Qazaq Ūlttyq universitetın bıtırgen.
1980 jylǧa deiın Jezdı audany «Oktiabr tuy» gazetınıŋ ädebi qyzmetkerı, 1971-1978 jyldary Jezqazǧan oblystyq teleradiokomitetınıŋ aǧa redaktory, 1978-1980 jyldary Jezqazǧan oblystyq teleradiokompaniiasynyŋ Bas redaktory qyzmetınde bolady. Keiın, Qazaq respublikalyq televiziiasynyŋ bas redaktory, 1992-1996 jyldary «Qazaq ädebietı» gazetınıŋ, «Jūldyz» jurnalynyŋ bölım meŋgeruşısı, «Qazaq memleketı» gazetı bas redaktorynyŋ bırınşı orynbasary, «Qazaqstan qanaty» - «Krylia Kazahstana» gazetınıŋ bas redaktory qyzmetterın abyroimen atqardy. Osy uaqyt aralyǧynda şyǧarmaşylyq jūmystan da qaşyq bolmady. 2003-2006 jyldary L.N.Gumilev atyndaǧy Euraziia Ūlttyq universitetı gumanitarlyq ǧylymi-zertteu ortalyǧynyŋ jetekşı ǧylymi qyzmetkerı, zerthana meŋgeruşısı, 2006-2007 jyldary «Qazaqstan» respublikalyq teleradiokorporasiiasy AQ Basqarma töraǧasynyŋ orynbasary - Qazaq radiosynyŋ bas direktory qyzmetterınde boldy. Alǧaşqy öleŋder jinaǧy - «Janartau» 1983 jyly jaryq kördı. «Ūlytauǧa bardyŋ ba?..», «Qūdıretke jügınu» , «Ekı tızgın, bır şylbyr» atty eŋbekterdıŋ avtory.
Jürsın Ermannyŋ şaǧyrmaşylyǧy men önerınde adam qūndylyqtar, ruhani taqyryptar men adamnyŋ bolmysy, tabiǧaty, qoǧamnyŋ beinesı t.s. sūraqtar ärqaşan qamtylǧan.
Mūqaǧali Maqataev atyndaǧy syilyqtyŋ iegerı, qazaq aitysynyŋ qara nary atanǧan Jürsın Erman bügın 74 jasqa tolyp otyr.