Ekı kün qatarynan taŋerteŋnen keşke deiın ūiymdastyrylǧan ıs-şara elordalyq balalar men olardyŋ ata-analaryna erekşe merekelık köŋıl-küi syilady. «Jetısu» saiabaǧy äkımşılıgınıŋ ūiymdastyruymen 1 mausym Halyqaralyq balalardy qorǧau künınde ötetın festival ekı künde de taŋǧy iogamen bastaldy. Bi ansamblınıŋ önerımen aşylǧan ıs-şara odan ärı ūlttyq kiımderdıŋ sän ülgısın körsetumen jalǧasty. Sonymen qatar baǧdarlamaǧa säikes «Jörgektegı balalar jarysy», «Balalar arbasymen jarys» baiqaulary, kidburg, bi keşı öttı. Ekınşı künınde «Art-jüktı äielder», «Mrs.Bope Fair 2025» baiqaulary, «Hazar» lezginka bi mektebınıŋ önerı, Gäkku, «Altyn ūrpaq» körsetılımı ūiymdastyryldy.
«Bızdıŋ saiabaq «BöpeFair» otbasylyq festivalın ötkızudı 2017 jyly bastaǧan. İmidjdık jobamyzdyŋ būl ekınşı ret ötuı. Barlyq ıs-şara tegın, taŋerteŋnen saǧat 12.00-ge deiın bükıl attraksiondar da 14 jasqa deiıngı balalarǧa aqysyz bolady. Būdan basqa da festivalder saiabaqta jiı ötkızıledı. Basty maqsat – mūnda kelgen halyqtyŋ balalaryn tek attraksiondarǧa mıngızıp qana qaitpai, ülkenge de, kışıge de uaqytyn qyzyqty ötkızuıne jaǧdai jasau. Sol üşın türlı konserttık baǧdarlamalar, oiyndar ūiymdastyrylyp otyrady. Jalpy saiabaqtyŋ aumaǧy – 14 ga. 2018 jyly saiabaq qaita qūrylyp, onyŋ jöndelıp, qazırgıdei bezendırılgen jaŋa keipın qala künıne Almaty oblysy syiǧa tartty», – deidı saiabaqtyŋ basqaruşysy Nūriia Säduaqasova.
Saiabaqqa mereke künı kelgen halyqtyŋ qarasy qalyŋ. Balalaryn ertken elordalyqtar men qala qonaqtary är türlı ıs-şaralarǧa qatysyp, mäz-meiram boldy.
Elorda äkımdıgınıŋ resmi saity