Jymqyru täuekelderın barynşa azaitu maqsatynda barlyq öŋırlerde bıryŋǧai buhgalterlık esep jüiesı engızıldı, būl joǧary jalaqy men «Joq jandardy» eseptei otyryp, alaiaqtyqty uaqtyly toqtatuǧa, jalǧan derekterdıŋ engızıluıne tosqauyl qoiuǧa mümkındık beredı. Qazır äkımdıkter ai saiyn bılım beru ūiymdarynyŋ buhgalterlık esep jüielerın qazynaşylyq esepterımen avtomatty türde salystyryp otyrady. Kez kelgen säikessızdıkter ekı ret tekserıledı. Sonymen qatar, Işkı memlekettık audit komitetı jäne onyŋ aumaqtyq departamentterı aǧymdaǧy jyldyŋ tamyz aiynan bastap jalaqyny negızsız audaru tūrǧysynan tölemderdı kameraldyq baqylaudy jüzege asyrady. Barlyq küdıktı operasiialar Sybailas jemqorlyqqa qarsy qyzmetke, bılım basqarmasyna jäne audarym jasaǧan ūiymnyŋ özıne taldau jasau üşın tüsedı.
Būl barlyq küdıktı operasiialardy baqylauǧa jäne qūqyq būzuşylyqtardy anyqtauǧa mümkındık beredı.
2023 jyldyŋ basynan bastap osy salada barlyǧy 297 qylmystyq ıs jürgızıldı. Qylmys jasauda 406 adam äşkerelenıp, onyŋ ışınde 196 adam türlı jazalau şaralaryna sottaldy. Mäselen, Sybailas jemqorlyqqa qarsy qyzmettıŋ Türkıstan oblysy boiynşa departamentı Şardara audany bılım bölımınıŋ lauazymdy tūlǧalaryna qatysty sotqa deiıngı tergeudı aiaqtady.
12 qatysuşydan tūratyn tūraqty ūiymdasqan top, onyŋ ışınde bölım basşylary men olardyŋ baǧynysty buhgalterlerı bılım beru salasynda naqty jūmys ıstemegen jeke tūlǧalarǧa, sondai-aq özderınıŋ jeke şottaryna jalaqyny zaŋsyz audaru jolymen 2020-2023 jyldar kezeŋınde biudjet qarajatyn jymqyrdy dep küdıktenedı.
Qylmystyq ärekettermen memleketke 3,7 mlrd teŋge kölemınde zalal keltırıldı.
Qabyldanǧan şaralarmen jalpy somasy 639,8 mln teŋgege zalal öteldı jäne mülıkke tyiym salyndy.
Qazırgı uaqytta qylmystyq ıs sotqa deiıngı tergeudıŋ aiaqtaluy turaly eseppen prokuraturaǧa jıberıldı.
Qylmystyq-prosestık kodekstıŋ 201-babyna säikes özge aqparat jariia etuge jatpaidy.
Konstitusiianyŋ 77-baby 3-tarmaǧynyŋ 1-tarmaqşasyna jäne Qylmystyq-prosestık kodekstıŋ 19-baby 1-bölıgıne säikes, qylmystyq qūqyq būzuşylyq jasaudaǧy kınäsı sottyŋ zaŋdy küşıne engen ükımımen belgılengenge deiın ärbır adam kınäsız dep esepteledı.