Jobanyŋ maqsaty – Ūly Jeŋıske ölşeusız üles qosqan qazaqstandyqtardyŋ erlıgı men jankeştılıgı turaly bolaşaq ūrpaqqa qūndy aqparattardy jetkızu.
Portalda keŋ kölemdı mälımetter bazasy bar. Saitta qazırdıŋ özınde 677 myŋnan astam soǧys ardagerı, onyŋ ışınde 365 Keŋes odaǧynyŋ batyry, 4 ekı märte Keŋes odaǧynyŋ batyry jäne 19 «Daŋq» ordenınıŋ kavalerı turaly aqparat jinaqtalǧan. İnterfeis qajettı aqparatty tabuǧa ǧana emes, sonymen qatar öz ardager tuystary turaly derekterdı qosuǧa, jaŋalyqtarmen tanysuǧa mümkındık beredı. Osylaişa, būl portal tarihty bolaşaq ūrpaq üşın saqtap, batyrlarǧa taǧzym etıp, qūrmet körsetuge arnalǧan platforma qyzmetın atqarady.
Onlain-portaldy paidalanuşylar:
- saitqa öz tuysynyŋ tarihyn qosa alady: är adamnyŋ soǧysqa qatysqan jaqyndary turaly estelıkterın bölısuge mümkındıgı bar.
- fotosuretterdı jüktei alady: är qoldanuşy ardager tuysynyŋ suretterın veb-portalǧa jüktep, onyŋ jarqyn beinesın mäŋgılıkke amanat etuge mümkındıgı bar.
- ardagerlerdıŋ jaŋa mälımetterın qosa alady: veb-portaldyŋ derekqorynda joq ardagerlerdıŋ mälımetterın oŋai engızuge bolady.
- batyrlar galereiasyn köre alady: saitta qazırdıŋ özınde köptegen batyrlardyŋ ömırbaiandary jazylǧan galereia bar, kez kelgen qoldanuşy būl bölımnen olardyŋ ömırı men jasaǧan erlıkterı turaly köbırek aqparat alady.
- jaŋalyqtar ünemı jaŋaryp otyrady: veb-portalda ardagerlerge jäne jobaǧa qatysty jaŋalyqtar men oqiǧalar tūraqty türde jariialanyp tūrady.
Aita keteiık, Jeŋıstıŋ 80 jyldyǧyna orai respublika boiynşa 200-den astam ıs-şara ūiymdastyrylady.
Ministrlıktıŋ baspasöz qyzmetı