Joba Jasscience-2024 baiqauynyŋ jeŋımpazy bolyp, älemdegı eŋ bedeldı baǧdarlamalardyŋ bırı 100 Rise Global Winners 2024 tızımıne engızıldı. Nätijesınde, joba avtorlarynyŋ bırı Haidar Atagulla älemnıŋ kez kelgen universitetınde tegın oqu mümkındıgıne ie boldy. «Közıldırık RikaAI jasandy intellekt negızınde jūmys ısteidı. Būl sausaqpen basu arqyly ıske qosylatyn intuitivtı baǧdarlama. Ol qoldanuşyǧa qūlaqqap arqyly dauystyq komandalar beredı jäne sol arqyly qūrylǧymen özara ärekettesuge mümkındıgı tuyndaidy. Bız material jasau üşın 3D printerdı qoldandyq, al kamera, qūlaqqaptar men mikrofondy arnaiy tapsyrys boiynşa aldyq», — deidı Haidar Atagulla. «Közıldırıkter tört negızgı funksiiany atqarady. Bırınşıden, olar ChatGPT nemese Wikipedia siiaqty qoiylǧan sūraqtarǧa jauap beredı. Ekınşıden, mätındı skanerlep, dybystap oqidy. Üşınşıden, közıldırık qozǧalys kezınde kedergıler turaly eskertıp otyrady, būl köru qabıletı naşar adamdarda qūlau men jaraqattanudyŋ aldyn aluǧa kömektesedı. Törtınşıden, közıldırıkter bölmede bolyp jatqan oqiǧalar turaly aqparat berıp, sipattai alady. Bolaşaqta bız qūrylǧynyŋ qyzmetın keŋeitudı josparlap otyrmyz», — dep tolyqtyrdy Qaiyrhan Lūqpanov. Ministrlık jas ǧalymdardyŋ jetıstıkterın maqtanyş etedı jäne olardyŋ bılım men ǧylym salasyndaǧy innovasiialyq tehnologiialardy damytuǧa baǧyttalǧan talpynystaryna jan-jaqty qoldau bıldıredı.
Aqparat: Oqu-aǧartu ministrlıgınen