Astanada «Taza Qazaqstan» ekologiialyq aksiiasy aiasynda kezektı tazalyq jūmysy jürgızıldı. Almaty audanynyŋ äkımdıgı men «Astana jastary» jastar resurstyq ortalyǧynyŋ bastamasymen qolǧa alynǧan ıs-şara Mahtūmqūly köşesı boiynda ötkızılıp, oǧan belsendı jastar men erıktıler qatysty
Tazalyq barysynda qatysuşylar köşeler men qoǧamdyq aumaqtardy qoqystan tazartyp, qorşaǧan ortanyŋ tazalyǧyn saqtauǧa öz ülesın qosty. Ūiymdastyruşylardyŋ aituynşa, mūndai bastamanyŋ basty maqsaty – qalanyŋ sanitarlyq jaǧdaiyn jaqsartu ǧana emes, tūrǧyndar arasynda ekologiialyq mädeniettı qalyptastyryp, qorşaǧan ortaǧa jauapkerşılıkpen qaraudy därıpteu.
««Taza Qazaqstan» ekologiialyq bastamasy aiasynda «Astana jastary» ūiymy Almaty audany äkımdıgımen bırlesıp, senbılık ötkızıp jatyr. Is-şaranyŋ negızgı maqsaty – elordamyzdyŋ tazalyǧyn saqtauǧa üles qosu jäne tūrǧyndar arasynda qorşaǧan ortaǧa ūqypty qarau mädenietın qalyptastyru. Qalanyŋ tazalyǧy ärbır azamattyŋ ortaq jauapkerşılıgı. Osy arqyly astanalyqtardy qalany taza ūstauǧa ündegımız keledı. Sonymen qatar, erıktılerdıŋ belsendılıgın arttyru üşın tazalyq jūmysyn türlı oiynmen jäne tanymdyq ädıstermen ūştastyryp, senbılıktı erekşe formatta ūiymdastyrdyq», – dedı «Astana jastary» jastar resurstyq ortalyǧynyŋ Jastarmen tärbie jūmysy bölımınıŋ basşysy Sūltan Ömırǧaliev.
Senbılıkke qatysqan jastar mūndai jūmystardyŋ qoǧam üşın maŋyzy zor ekenın atap öttı. Olardyŋ pıkırınşe, qalanyŋ tazalyǧy är tūrǧynnyŋ mädenietı men jauapkerşılıgınen bastalady.
«Astana Jastary volonterlık ūiymynyŋ qataryna qosylǧanyma bır jylǧa juyq uaqyt boldy. Osy aralyqta türlı ekologiialyq jäne qoǧamdyq ıs-şaraǧa belsendı qatysyp kelemın. Bügıngı senbılıkke de jazǧy demalysymyzdy paidaly ötkızıp, qalamyzdyŋ tazalyǧyna ülesımızdı qosu üşın keldık. Bız şaşylǧan qoqysty jinap qana qoimai, qorşaǧan ortaǧa ūqypty qaraudyŋ maŋyzyn nasihattauǧa tyrysamyz. Astananyŋ tazalyǧy – tek kommunaldyq qyzmettıŋ emes, ärbır tūrǧynnyŋ ortaq jauapkerşılıgı. Sondyqtan är azamat qorşaǧan ortany taza ūstap, qoqys tastamaudy ädetke ainaldyruy qajet dep oilaimyn», – dedı Astana Jastary volonterlık ūiymynyŋ müşesı Äbılmansūr Ämırhan.
Elorda äkımdıgınıŋ resmi saity