Biyl elordada 50 myŋnan astam jürgızuşı tūraq erejesın būzǧany üşın jauapqa tartyldy, – dep habarlaidy Polisia.kz. Astanada kölıktı toqtatu jäne tūraqqa qoiu qaǧidalaryn būzu derekterın anyqtau jäne olardyŋ jolyn kesu jūmystary tūraqty türde jürgızılıp jatyr. Mūndai qūqyq būzuşylyqtar tūrǧyndarǧa naqty qolaisyzdyqtar tuǧyzady, kölık qozǧalysyna kedergı keltıredı, kıreberısterge, pandustarǧa jäne qajet jerge jetudı qiyndatady, al keibır jaǧdailarda mümkındıgı şekteulı azamattar men balalar arbasyn itergen ata-analardyŋ jürıp-tūruyn şekteidı. Qūqyq būzuşylyqtar patruldeu barysynda da, beinebaqylau kameralarynyŋ jazbalaryn baqylau arqyly da anyqtalady. Äsırese tūrǧyn üilerdıŋ aulalaryna, sondai-aq äkımşılık jäne qoǧamdyq ǧimarattardyŋ maŋyndaǧy aumaqtarǧa erekşe nazar audarylady. Tek bır künnıŋ ışınde Astanada tūraqqa qoiu qaǧidalaryn būzǧany üşın şamamen 130 jürgızuşı jauapqa tartylsa, taǧy 140-qa juyq jürgızuşı jol belgılerı talaptaryn saqtamaǧan. Anyqtalǧan būzuşylyqtar üşın 200-den astam avtokölıktıŋ nömırı tärkılendı.
Anyqtalǧan barlyq derek boiynşa jürgızuşıler jauapqa tartyldy. Olardyŋ bırqatary būǧan deiın de osyndai qūqyq būzuşylyqtarǧa jol bergenı anyqtaldy. Jyl basynan berı elordada tūraqqa qoiu qaǧidalaryn būzǧany üşın 50 myŋnan astam jürgızuşı jazalandy. Onyŋ ışınde 1,5 myŋnan astamy būl qūqyq būzuşylyqty ekı jäne odan da köp ret qaitalaǧan. Eger sız dūrys qoiylmaǧan kölıkke — iaǧni kırıp-şyǧu jolyn jauyp tūrǧan, qozǧalysqa kedergı keltıretın, pandusty nemese tūrǧyn üi kıreberısın bögeitın jaǧdaiǧa tap bolsaŋyz — polisiiaǧa habarlasu qajet. Mūny "102" nömırı arqyly, azamattardyŋ ötınışterın qabyldaudyŋ omnikanaldy jüiesı arqyly, sondai-aq eGov Mobile qosymşasyndaǧy "Zaŋ men Tärtıp" servisı men ekınşı deŋgeilı bankterdıŋ qosymşalary arqyly jasauǧa bolady. Tūraq erejelerın saqtau – tek zaŋdy oryndau emes. Kölıktı dūrys qoimasaŋyz, ol basqa adamdarǧa kedergı keltıredı. Keide būl öte qauıptı boluy mümkın, öitkenı kei sätte är minut maŋyzdy bolady.
Aqparat közı
Polisia.kz saitynda: https://polisia.kz/biyl-elordada-50-myngnan-astam-zhurgizushi-turaq-erezhesin-buzghany-ushin-zhauapqa-tartyldy/Aqparat közı Polisia.kz saitynda: https://polisia.kz/biyl-elordada-50-myngnan-astam-zhurgizushi-turaq-erezhesin-buzghany-ushin-zhauapqa-tartyldy/