Endı elorda tūrǧyndary atalmyş marafonǧa qatysyp, bılım deŋgeiı men kökjiegın arttyryp qana qoimai, būl üşın aqşalai syilyq ta ala alady, dep habarlaidy elorda äkımdıgınıŋ resmi saity.
Astana qyrküiek aiynda bastalatyn «Kıtap oqityn ūlt» marafonyna resmi türde qosyldy. Būǧan deiın elorda äkımdıgı men «Kıtap oqityn ūlt – Chitaiuşaia nasiia» qoǧamdyq qory tiıstı memorandumǧa qol qoiǧan bolatyn.
Joba Qazaqstan Respublikasynyŋ Prezidentı qol qoiǧan oqu mädenietın damytu turaly Jarlyqty ıske asyru maqsatynda jüzege asyrylyp jatyr.
Marafonǧa qatysuşylar alty ai ışınde 15 kıtap oqyp, keiın testıleu men bırqatar ziiatkerlık kuizden ötedı.
Synaq qorytyndysy boiynşa qatysuşylardyŋ är sanatyndaǧy üzdık komandalar anyqtalady.
Bırınşı orynǧa – 600 myŋ teŋge, ekınşı orynǧa – 450 myŋ teŋge, üşınşı orynǧa 300 myŋ teŋge aqşalai syilyq qarastyrylǧan.
«Kıtap oqityn ūlt» marafonyna kımder qatysa alady:
6-10 synyp oquşylary;
kolledjder men joǧary oqu oryndarynyŋ studentterı;
pedagogter;
memlekettık qyzmetşıler;
ata-analar;
mamandyǧy men qyzmet türıne qaramastan, barlyq niet bıldıruşı.
Marafon qazaq jäne orys tılderınde ötedı.
Qatysuşylardy tırkeu biyl qyrküiek aiynda jobanyŋ www.reading-nation.kz resmi saitynda bastalady.
Aita keteiık, joba aiasynda biyl küzde elordada ädebi kezdesuler, jalpyhalyqtyq kıtap oqular, kıtap jobalary, aǧartuşylyq aksiialar jäne basqa da ıs-şaralar seriiasy bastalady.
Būl jūmystardyŋ maqsaty – kıtap oquǧa degen qyzyǧuşylyqty arttyru, otandyq ädebiettı qoldau jäne toqtausyz öz bılımın jetıldıru mädenietın qalyptastyru.
Baspasöz qyzmetı