Būǧan deiın oqu-aǧartu ministrlıgı SDİAÖM-men bırlesıp oquşylar men pedagogterdı baǧdarlamalau negızderıne oqytatyn onlain bılım beru platformasynyŋ pilottyq jobasyn ıske qosqan bolatyn. Ol boiynşa bügınde 300 pedagog pen trener «Jasandy intellekt» jäne Game Development baǧyttary boiynşa bılıktılıgın arttyruda. Ministrge oqytuşynyŋ qatysuynsyz jäne därıssız ädısteme boiynşa stdentterdıŋ özara oqytu qaǧidattaryna negızdelgen Tomorrow School jasandy intellekt mektebı tanystyryldy. Ǧani Beisembaev jasandy intellekt mamandaryn daiarlauǧa arnalǧan būl jobanyŋ mektep oquşylaryna beiımdelgen nūsqasyn jasau mäselesın pysyqtaudy ūsyndy.
«Qazırgı damu üderısterı bılım beru prosesın sifrlyq transformasiialau boiynşa jaŋa ūstanymdy, tyŋ ädıs-täsıldı talap etedı. Jas ūrpaqqa zamanaui talapqa sai sapaly, bäsekege qabılettı bılım beru üşın ärbır pedagogtıŋ IT-qūzyrettılıgın arttyruǧa, mektepter men kolledjderde sifrlyq bılım beru ortasyn qūruǧa, sapaly kontent ūsynuǧa basa män berıluı kerek. Sonymen qatar bılım aluşylardyŋ sifrlyq qauıpsızdıgı bırınşı kezekte qamtamasyz etıluı tiıs», - dedı Ǧani Beisembaev.
Sondai-aq ministrge bılım beru ūiymdarynyŋ qauıpsızdıgın qamtamasyz etuge, ortaq bılım beru ekojüiesın qūruǧa, jasöspırımderge käsıptık baǧyt-baǧdar beruge, olimpiada qatysuşylaryn oflain formatta qaşyqtyqtan oqytuǧa baǧyttalǧan otandyq IT-qyzmetter men önımderınıŋ tanystyrylymy ūsynyldy.
Aita ketu kerek, bügınde Memleket basşysynyŋ tapsyrmasyna säikes bılım beru salasyn sifrlandyru boiynşa keşendı jūmystar jürgızılude. Qazaqstandyq mektepterde internet sapasy üş ese jaqsartyldy, barlyq mektep oqulyqtary sifrlyq formatqa köşırılıp, ol 11 platformaǧa jükteldı. Bılım beru resurstarynyŋ qoljetımdılıgın arttyru maqsatynda eGovMobile mobildı qosymşasynda «Bilim» servisı ıske qosyldy, sondai-aq orta bılım attestaty, tehnikalyq jäne käsıptık bılım diplomdary elektrondy ükımet portalyndaǧy sifrlyq qūjattardyŋ tızbesıne endı.
Ärıptestık negızde