Bügın Qyzylorda qalasynyŋ Prezident saiabaǧynda 5 mausym – Ekolog künı jäne Düniejüzılık qorşaǧan ortany qorǧau künıne orai aşyq aspan astynda «Ekolog saǧaty» atty ekologiialyq tanymdyq ıs-şara ūiymdastyryldy.
Is-şaranyŋ basty maqsaty – tūrǧyndar arasynda ekologiialyq mädeniettı qalyptastyru, qorşaǧan ortany qorǧaudyŋ maŋyzdylyǧyn tüsındıru, tabiǧi resurstardy ūtymdy paidalanu jäne ekologiialyq jauapkerşılıktı arttyru.
Tabiǧat aiasynda ötken mazmūndy kezdesuge sala mamandary men ekolog ǧalymdar qatysyp, qorşaǧan ortany qorǧau baǧytyndaǧy özektı mäseleler töŋıregınde pıkır almasty.
Atap aitqanda, Qyzylorda oblysy boiynşa Ekologiia departamentınıŋ Qorşaǧan ortany qorǧau aǧa menedjerı Hadişa Äbdıbaiqyzy, Älihan Bökeihan atyndaǧy Qazaq orman şaruaşylyǧy ǧylymi-zertteu institutynyŋ Qyzylorda filialynyŋ direktory, auyl şaruaşylyǧy ǧylymdarynyŋ kandidaty, qauymdastyrylǧan professor Samalbek Orazbaiūly jäne Qorqyt Ata atyndaǧy Qyzylorda universitetınıŋ biologiia ǧylymdary boiynşa (PhD) filosofiia doktory, qauymdastyrylǧan professor mındetın atqaruşy Nūrgül Saǧyndyqqyzy baiandama jasap, ekologiialyq ahual, tabiǧatty saqtau mädenietı, jasyl aimaqtardy köbeitu, su resurstaryn tiımdı paidalanu jäne qorşaǧan orta tazalyǧy jönınde oi-pıkırlerımen bölıstı.
Is-şara barysynda qatysuşylarǧa qaldyqtardy sūryptau, energiia men sudy ünemdeu, tabiǧatqa janaşyrlyqpen qarau jäne tazalyq saqtau mäselelerı keŋınen tüsındırıldı. Sonymen qatar, elımızde jüzege asyrylyp jatqan ekologiialyq bastamalardyŋ maŋyzdylyǧy aitylyp, tūrǧyndardy tabiǧatty qorǧauǧa belsendı atsalysuǧa şaqyryldy.
Tabiǧatty qorǧau – barşamyzǧa ortaq mındet!
#Ekologkünı #TazaQazaqstan #Ekologsaǧaty #Özıŋnenbasta