AR tehnologiiasyna negızdelgen qosymşa bolaşaqta qūrylys jūmystaryn az şyǧynmen jüzege asyruǧa mümkındık beredı. Paidalanuşylar mobildı qūrylǧylar arqyly jobalardyŋ 3D-modelderın qarap, QR-kodty skanerleu arqyly bolaşaq ǧimarattardyŋ nemese eskertkışterdıŋ üşölşemdı modelın şynaiy ortada köre alady. Sonymen qatar olar nysandardyŋ ärbır elementın barlyq jaǧynan baǧalai alady. Ol arqyly tūrǧyndar qala qūrylysy şeşımderıne qatysa alady. Mysaly, eskertkışter men ǧimarattardyŋ qūrylysyn qoldap, dauys beruge jäne olardy jüzege asyruǧa qarjylai qoldau körsetuge mümkındıkterı bar.
«Men būl jobany tek tehnologiialardy damytu üşın emes, adamdardyŋ ömırın jaqsartu üşın de jasadym. Qala tūrǧyndarynyŋ öz qalasymen tyǧyz bailanys ornatyp, onyŋ damuyna qatysuy öte maŋyzdy dep sanaimyn. Qosymşada qalanyŋ körıktı jerlerı turaly aqparattyq jäne oiyn-sauyq mazmūndaǧy virtualdy gid-chat-bot bar. Būl funksiia qalalyq infraqūrylymmen özara ärekettesudı jeŋıldetedı: qoldanuşylar kafelerde aldyn ala oryn alyp, emhanalarǧa jazyla alady jäne turistık nysandardy tamaşalau mümkındıgıne ie bolady. Sonymen bırge qosymşa aua raiy boljamyn, jol qozǧalysy turaly özektı aqparatty ūsynady», - deidı Nūrlyhan.
Nūrlyhannyŋ jobasy älı de damu üstınde. Jaqyn arada «Aqyldy kölık» jüiesımen integrasiialanu jäne qosymşany Qazaqstannyŋ basqa qalalarynda qoldanu mümkındıkterı keŋeitıledı. Sonymen qatar säulet, dizain jäne qalalyq josparlau salalaryna arnalǧan bılım beru qūraldaryna qosymşany engızu josparlanyp otyr.
Aita ketu kerek, Nūrlyhan būǧan deiın QEFO.KZ, TableTech jobalarynyŋ jäne Discover Abai turistık qosymşasynyŋ avtory retınde tanyldy.