Aqmola oblysynyŋ Esıl audanynda joǧalyp ketken kämeletke tolmaǧan bala polisiia qyzmetkerlerınıŋ jedel äreketınıŋ arqasynda bır saǧat ışınde tabylyp, ata-anasyna aman-esen qaitaryldy. Aqmola oblysynyŋ Esıl audanynda polisiia qyzmetkerlerınıŋ üilesımdı ärı jedel jūmysynyŋ nätijesınde üiınıŋ maŋynda joǧalyp ketken kämeletke tolmaǧan bala qysqa uaqyt ışınde tabylyp, zaŋdy ökılderıne tapsyryldy.
Esıl audandyq polisiia bölımıne balanyŋ äkesı Aqjan Jūmasūltanov arnaiy kelıp, ūly Nyǧmetjandy jedel ızdep tauyp, aman-esen üiıne qaitarǧan tärtıp saqşylaryna şynaiy alǧysyn bıldırdı. Äkesınıŋ aituynşa, bala üidıŋ janynda oinap jürgen kezde eresekterdıŋ nazarynan tys qalyp, ız-tüzsız ketken. Oqiǧa turaly habar tüsken boida polisiia qyzmetkerlerı ızdestıru jūmystaryn bastap kettı. Izdestıruge patruldık polisiia qyzmetkerlerı, kämeletke tolmaǧandar ısterı jönındegı inspektorlar, uchaskelık polisiia inspektorlary jäne jedel qyzmetkerler jūmyldyryldy. Barlyq jeke qūramnyŋ üilesımdı ıs-qimylynyŋ nätijesınde bır saǧattyŋ ışınde balanyŋ jürgen jerı anyqtaldy. Bala dın aman tabylyp, ata-anasyna tapsyryldy. Balanyŋ ata-anasy polisiia qyzmetkerlerınıŋ käsıbilıgıne, jedeldıgıne jäne jauapkerşılıgıne rizaşylyqtaryn bıldırıp, körsetılgen kömek üşın alǧys aitty. Polisiia ata-analarǧa balalardyŋ qauıpsızdıgı eŋ aldymen eresekterdıŋ qyraǧylyǧyna bailanysty ekenın eske salady. Tärtıp saqşylary kämeletke tolmaǧandardy qarausyz qaldyrmauǧa, olarǧa qauıpsızdık erejelerın tüsındırıp, qaida jäne kımmen jürgenın ünemı baqylauda ūstauǧa şaqyrady. Sondai-aq polisiia bala joǧalǧan jaǧdaida uaqyt joǧaltpai, bırden 102 arnasyna habarlasudyŋ maŋyzdylyǧyn atap ötedı. Sebebı mūndai jaǧdaida ärbır minuttyŋ maŋyzy zor, al der kezınde berılgen aqparat ızdestıru jūmystaryn jedel ūiymdastyryp, balany aman-esen tabuǧa mümkındık beredı.
Aqparat közı Polisia.kz saitynda: https://polisia.kz/aqmola-oblysynda-politsejler-zhoghalghan-balany-bir-saghat-ishinde-tapty/