QMA Aqmola oblysy boiynşa departamentı prokuraturanyŋ üilestıruımen elektrondyq tūtynu jüielerın (veipterdı), olarǧa arnalǧan hoş iıstendırgışter men sūiyqtyqtardy zaŋsyz ötkızumen ainalysqan qylmystyq toptyŋ qyzmetın toqtatty.
Önımderdı ötkızu äleumettık jelılerdegı internet-dükender arqyly jüzege asyrylyp, jetkızu kurerlık qyzmetpen ūiymdastyrylǧan.
Qatysuşylar zaŋsyz qyzmetın jasyru maqsatynda konspirasiia şaralaryn qoldanyp, aqşa qarajatyn qabyldau jäne qolma-qol aqşaǧa ainaldyru üşın dropperlerdıŋ qyzmetın paidalanǧan.
Qylmystyq tabys kölemı 221 mln teŋgeden asty.
Sot sanksiiasymen küdıktılerge tiesılı päter men avtokölıkke tyiym salyndy.
Ūiymdastyruşy qamauǧa alyndy.
Tergep-tekseru jalǧasuda.
Qazaqstan Respublikasy QPK-nıŋ 201-babyna säikes özge aqparat jariialauǧa jatpaidy.
Aita ketu kerek, jyl basynan berı Qarjylyq monitoring agenttıgı veipterdı zaŋsyz ötkızu faktılerı boiynşa 12 sotqa deiıngı tergep-tekserudı bastaǧan.
Zaŋsyz ainalymnan 717 myŋ dana önım tärkılendı.
QMA eskertedı: veipterdı paidalanu, äsırese jasöspırımder men jastar arasynda nikotinge täueldılıktıŋ qalyptasuyna äkeledı. Nikotin jürek-qan tamyrlary jäne jüike jüiesıne kerı äser etıp, sozylmaly aurulardyŋ damu qaupın arttyrady.
QR QMA Baspasöz qyzmetı