Senegaldyŋ Dakar qalasynda ötıp jatqan IV jazǧy jasöspırımder Olimpiadasynda qazaqstandyq veloşabandoz Änel Taşbai şossedegı velosport jarysynda jeŋımpaz atandy. Jeke uaqytqa jüru saiysynda ol 11 minut 32,57 sekund nätijesımen märege bırınşı bolyp jettı.
Äneldıŋ jeŋısı Qazaqstan qūramasyna osy Oiyndardaǧy ekınşı altyn medaldı äkeldı. Būǧan deiın dziudoşy Fatima Sūpyǧalieva jeŋımpaz atanǧan bolatyn. Sondai-aq triatlonşy Ramazan Aigenov el qorjynyna qola medal saldy.
Jas sportşynyŋ jetıstıgı qazaqstandyq velosport dästürınıŋ jalǧasy ärı jas buyn sportşylarynyŋ äleuetın körsetedı. Qazaqstandyq veloşabandozdar jazǧy Aziia oiyndarynda el tarihynda barlyǧy 31 medal jeŋıp alǧan. 2026 jyly Rinata Sultanova jeke uaqytqa jüru saiysynda altyn medal ielense, Aleksei Lusenko jeke uaqytqa jüru jäne toptyq jarystarda jeŋıske jetıp, ekı altyn medal jeŋıp aldy. Al Evgenii Fedorov toptyq jarysta kümıs jüldeger atandy.
Sport rezervın daiarlau otandyq sportty damytudyŋ maŋyzdy baǧyttarynyŋ bırı bolyp qala beredı. Qazaqstanda olimpiadalyq rezervtıŋ mamandandyrylǧan sport mektepterı men mektep-internat-kolledjderı jūmys ısteidı. Turizm jäne sport ministrlıgınıŋ mälımetınşe, elımızdegı 14 oblystyq jäne 5 respublikalyq mamandandyrylǧan mektep-internat-kolledjde 6 myŋnan astam bala sportpen şūǧyldanady. Velosport ta beiındı sport mektepterı men sport rezervın daiarlau ūiymdarynda qamtylǧan. Būl jas sportşylardyŋ käsıbi daiarlyqtan ötıp, türlı deŋgeidegı jarystarǧa qatysuyna mümkındık beredı.
Qazaqstan Respublikasynyŋ Turizm jäne sport ministrlıgı Änel Taşbai men onyŋ jattyqtyruşylar qūramyn joǧary jetıstıgımen qūttyqtaidy. Jasöspırımder Olimpiadasyndaǧy būl jeŋıs – sportşynyŋ özı üşın de, qazaqstandyq velosport üşın de maŋyzdy jetıstık ärı aldaǧy sporttyq jolyndaǧy ülken beles.
Baspasöz qyzmetı