Almatyda respublikalyq «Taza Qazaqstan» baǧdarlamasy aiasynda ekologiialyq mädeniettı qalyptastyruǧa, sanaly tūtynu qaǧidattaryn damytuǧa jäne qaldyqtardy bölek jinau jüiesın jetıldıruge baǧyttalǧan jaŋa sifrlyq şeşımder tanystyryldy.
Joba Almaty qalasy äkımdıgınıŋ qoldauymen, Almaty qalasy Ekologiia jäne qorşaǧan orta basqarmasynyŋ bastamasymen ekologiialyq serıktestermen bırlesıp jüzege asyryluda.
ECO Network sifrlyq platformasynyŋ tanystyrylymy Arbatta ötken ekologiialyq festival aiasynda öttı. Is-şarany Almaty qalasy Ekologiia jäne qorşaǧan orta basqarmasy Bırınşı Eko-Habpen jäne ECO Network jobasymen bırlesıp ūiymdastyrdy. Bır jyl būryn däl osy jerde qaita öŋdelgen plastikten jasalǧan qaladaǧy alǧaşqy oryndyq ornatylǧan.
Is-şaraǧa memlekettık mekemelerdıŋ ökılderı qatysyp, jaŋa sifrlyq platformanyŋ mümkındıkterımen tanysty. Sonymen qatar ekologiialyq bastamaǧa qatysu tetıkterı tüsındırıldı. 3 tamyzdan bastap memlekettık ūiymdardyŋ qyzmetkerlerı tūrmystyq qaldyqtardy sūryptap, olardy tūraqty türde qaita öŋdeuge ötkızu arqyly bastamaǧa qatysa alady. Al sifrlyq platforma ūiymdardyŋ ekologiialyq jobalarǧa qatysu belsendılıgın naqty uaqyt rejimınde baqylauǧa mümkındık beredı.
Aldaǧy uaqytta platformanyŋ mümkındıkterı kezeŋ-kezeŋımen keŋeitıledı. Jasandy intellekt negızındegı jaŋa servister engızılıp, jüiege biznes ökılderın, bılım beru ūiymdaryn, kolledjder men joǧary oqu oryndaryn qosu josparlanyp otyr.
Is-şara barysynda qala tūrǧyndaryna arnalǧan ekı jaŋa ekologiialyq joba da tanystyryldy. Olar Almaty qalasy Ekologiia jäne qorşaǧan orta basqarmasynyŋ qoldauymen ekologiialyq serıktestermen bırlesıp jüzege asyrylyp, qaldyqtardy bölek jinau mädenietın qalyptastyruǧa, qaita öŋdeletın şikızat kölemın arttyruǧa jäne tūrǧyndardyŋ ekologiialyq jauapkerşılıgın küşeituge baǧyttalǧan.
Alǧaşqy joba - «Qaita öŋdelgen plastikten jasalǧan jihaz». Joba aiasynda tūrǧyndar Markov köşesı, 44 mekenjaiyndaǧy jäne Satbayev University aumaǧyndaǧy Eko-Habtarǧa plastiktıŋ jekelegen türlerın, sonyŋ ışınde jemıs-jidek jäşıkterın ötkıze alady. Jinalǧan şikızat turaly mälımetter econetwork.me platformasynda tırkeledı. Belgılengen kölemge qol jetkızgen qatysuşylar qaita öŋdelgen plastikten jasalǧan būiymdarǧa tapsyrys bere alady.
Ekınşı joba - «Tuǧan jerımnıŋ janaşyrymyn». Būl joba aiasynda tūrǧyndar ūialy telefondardan, planşetterden, elektrlı samokattardan, drondardan jäne basqa da qūrylǧylardan alynǧan litii-iondy akkumuliatorlardy qaita öŋdeuge tapsyra alady. Qabyldau Eko-Habtarda jüzege asyrylady. Qabyldanatyn būiymdardyŋ tolyq tızımı econetwork.me platformasynda jariialanady. Eŋ belsendı qatysuşylar baǧaly syilyqtarmen marapattalady.
«Taza Qazaqstan» respublikalyq eko-aksiiasy ekologiialyq mädeniettı qalyptastyruǧa tyŋ serpın berdı. Bügınde qaldyqtardy bölek jinau jüiesın damytuǧa, zamanaui tehnologiialardy engızuge jäne tūrǧyndardyŋ ekologiialyq jauapkerşılıgın arttyruǧa baǧyttalǧan bastamalar sany artyp keledı. Almaty qalasynyŋ äkımdıgı mūndai jobalardy ärdaiym qoldaidy jäne aldaǧy uaqytta da ekologiialyq bastamalardy serıktestermen jäne qala tūrǧyndarymen bırlesıp jüzege asyru üşın qolaily jaǧdai jasaudy jalǧastyra beredı», – dedı Almaty qalasy Ekologiia jäne qorşaǧan orta basqarmasynyŋ basşysy Serık Ädılbaev.