Ötken aptada öŋır aumaǧynda jürgızılgen jedel ıs-şaralar barysynda öz elınde türlı qylmystar jasady degen küdıkpen körşıles eldıŋ azamattary ūstaldy. Olardyŋ qatarynda 1981 jyly tuǧan bır äiel jäne 1980, 1989, 1990 jyldary tuǧan üş er adam bar. Polisiia mälımetınşe, ūstalǧandardyŋ bırı asa ırı kölemdegı alaiaqtyq üşın, ekınşısı azamattardy tau-ken-metallurgiia kombinatyna jūmysqa ornalastyru syltauymen aldaǧany üşın ızdeude bolǧan. Äiel adam mobildı telefondardy satu arqyly tüsken aqşany iemdenıp alǧan degen küdıkke ılınse, taǧy bır er adam ekonomikalyq qylmystar jasaǧany üşın ızdeude bolǧan. Aldyn ala mälımet boiynşa şeteldıkter Qazaqstan aumaǧynda jasyrynyp, mūnda da qylmystyq äreketterın jalǧastyrudy közdegen boluy mümkın. Jedel aqparattyŋ nätijesınde polisiia qyzmetkerlerı olardy qūryqtady.
- Qazırgı uaqytta olar uaqytşa ūstau izoliatoryna qamaldy. Ūstalǧandardy öz elıne qaitaru mäselesı qarastyryluda. Sonymen qatar olardyŋ özge de qylmystarǧa qatysy bar-joǧy tekserılıp jatyr, - dep mälımdedı polisiia ökılderı.
Almaty oblysy polisiia departamentı halyqaralyq qūqyq qorǧau organdarymen ornatylǧan özara ıs-qimyl qoǧamdyq qauıpsızdıktı qamtamasyz etıp, transşekaralyq qylmyspen küreste tiımdı nätije berıp otyrǧanyn atap öttı.
Aqparat közı Polisia.kz saitynda: https://polisia.kz/almaty-oblysynda-bir-apta-ishinde-memleketaralyq-izdeude-zhurgen-tort-sheteldik-azamat-ustaldy/