Alaköl kölınde demalyp jatqan kanadalyq otbasy jergılıktı zaŋ men demalys tärtıbı turaly tolyq aqparat alu üşın turistık polisiianyŋ kömegıne jügındı. Aǧylşyn tılınde erkın söileitın polisiia qyzmetkerı olarǧa jan-jaqty aqparat berıp, Alaköl aimaǧynyŋ turistık kartasy men qajettı mälımetterı qamtylǧan jadynamany tabystady. Polisiia ökılı qonaqtarǧa qauıpsız demalys üşın saqtaluy tiıs negızgı erejeler men tötenşe jaǧdailarda qaida jügınu kerektıgı jaiynda keŋes berdı. Kanadalyq otbasy qazaqstandyq qonaqjailylyq pen qyzmet körsetudıŋ sapasyna riza bolyp, polisiia qyzmetkerıne şynaiy alǧysyn bıldırdı. Olar Alaköldıŋ körkem tabiǧatyna täntı bolyp, būl sapardan keremet äser alǧandaryn atap öttı. Turistık polisiia qyzmetkerlerınıŋ basty mındetı – öŋırge kelgen şeteldık jäne otandyq qonaqtardyŋ qauıpsızdıgın qamtamasyz etıp, olarǧa aqparattyq qoldau körsetu. Būl oqiǧa – Alakölde turisterge degen qamqorlyqtyŋ naqty körınısı.
Aqparat közı Polisia.kz saitynda: https://polisia.kz/alakolde-turistik-politsiya-kanadalyq-otbasygha-aqparattyq-komek-korsetti/