Auyl şaruaşylyǧy ministrı Aidarbek Saparov sala käsıpkerlerın öndırıstık körsetkıştermen ǧana şektelmei, auyldyq aumaqtardy damytuǧa belsendı investisiia saluǧa, tūraqty jūmys oryndaryn qūruǧa jäne zamanaui äleumettık infraqūrylym qalyptastyruǧa şaqyrdy. Būl turaly ministr Qaraǧandy oblysyna jūmys sapary barysynda öŋırdıŋ agrarşylarymen kezdesude jäne oblystaǧy ozyq şaruaşylyqtardyŋ bırı – «Şahterskoe» serıktestıgınıŋ jūmysymen tanysu kezınde aitty.
Aidarbek Saparov elımızde egın jinau nauqany jalpy alǧanda jaqsy qarqynmen jürıp jatqanyn atap öttı. Bügınde dändı jäne dändı-būrşaqty daqyldar 10 mln gektar alqaptan, iaǧni jalpy egıs alqabynyŋ 63,9 paiyzynan jinaldy. 14 mln tonna astyq bastyryldy.
Egın jinau qarqyny ötken jyldyŋ säikes kezeŋımen salystyrǧanda joǧary. 2025 jyldyŋ osy kezeŋınde 6,7 mln gektar alqap jinalyp, 9,5 mln tonna astyq bastyrylǧan bolatyn.
Qaraǧandy oblysynda dändı jäne dändı-būrşaqty daqyldar 646 myŋ gektardan, iaǧni jalpy alqaptyŋ 71,4 paiyzynan jinaldy. Būdan bölek, 197 myŋ tonna kartop pen 63 myŋ tonna kökönıs jinaldy.
Kezdesude talqylanǧan negızgı mäselelerdıŋ bırı – auyl şaruaşylyǧy tauaryn öndıruşıler üşın qarjylyq qoldaudyŋ qoljetımdılıgı boldy.
«Keŋ dala» baǧdarlamasy aiasynda köktemgı egıs jäne egın jinau jūmystaryn jürgızuge Qaraǧandy oblysyndaǧy 233 fermerge jalpy somasy 15,6 mlrd teŋge kölemınde qarjylandyru berıldı. Būl qoldau 182 myŋ gektardan astam egıs alqabyn qamtydy.
Jeŋıldetılgen lizing baǧdarlamasy boiynşa jalpy qūny 18,2 mlrd teŋge bolatyn 925 bırlık auyl şaruaşylyǧy tehnikasyn jetkızuge 866 şart jasaldy.
Soltüstık Qazaqstan oblysynyŋ täjıribesın taratu baǧdarlamasy aiasynda öŋırge bölıngen 7 mlrd teŋge tolyq igerıldı. Suarmaly egınşılıktı damytu jäne tauarlyq süt fermalaryn salu baǧyttary boiynşa tört joba qarjylandyryldy.
Ministr agroönerkäsıptık keşennıŋ qarqyndy damuy tūraqty jūmyspen qamtudy qamtamasyz etuge, äleumettık infraqūrylymdy damytuǧa jäne auyl tūrǧyndarynyŋ ömır süru sapasyn arttyruǧa yqpal etetının atap öttı.
Osyǧan bailanysty ol käsıpkerlerdı özderı jūmys ısteitın auyldardyŋ infraqūrylymyn damytuǧa belsendı investisiia saluǧa jäne auyl tūrǧyndary üşın qolaily ömır süru jaǧdailaryn jasauǧa şaqyrdy.
«Agrarşylar tek mausymdyq jūmysqa adam jaldamai, auyl tūrǧyndaryn jyl boiy tūraqty jūmyspen qamtuǧa ūmtyluy kerek. Adamnyŋ tūraqty jūmysy, laiyqty ömır süru jaǧdaiy jäne tuǧan auylynda qajettı infraqūrylymy bolǧan kezde onyŋ eŋbekke de, jerge de közqarasy mülde özgeşe bolady. Būl turaly Memleket basşysy da bırneşe ret aitqan», – dedı Aidarbek Saparov.
Ministr tiımdı şaruaşylyq jürgızudıŋ jäne biznestıŋ äleumettık jauapkerşılıgınıŋ jarqyn ülgısı retınde jūmys sapary barysynda barǧan «Şahterskoe» serıktestıgınıŋ qyzmetın atap öttı.
Käsıporyn auyl tūrǧyndaryn jūmyspen qamtyp, auyldyŋ äleumettık-ekonomikalyq damuyna eleulı üles qosyp otyr. Şaruaşylyq kartop tūqymyn ösıru boiynşa elitalyq tūqym şaruaşylyǧy märtebesıne ie jäne dändı daqyldar tūqymynyŋ bastapqy tūqym öndıruşısı bolyp tabylady. Sonymen qatar şaruaşylyq bazasynda ettı baǧyttaǧy angus tūqymdy ırı qara mal ösıretın ırı reproduktor jūmys ısteidı.
Ministr kartop qoimasynyŋ jūmysymen, kartop jinau barysymen, sondai-aq ekı ırı investisiialyq jobanyŋ jüzege asyrylu barysymen tanysty. Atap aitqanda, 1 792 gektar suarmaly jerdı auyl şaruaşylyǧy ainalymyna engızu jäne quaty 15 myŋ tonna bolatyn jaŋa kökönıs qoimasyn salu jobalary jüzege asyryluda.
Käsıporyn öndırıstı keŋeituge ǧana emes, auyldyŋ äleumettık infraqūrylymyn damytuǧa da investisiia salyp otyr.
Ministrdıŋ pıkırınşe, däl osyndai täsıl auyldyq jerlerdegı biznes üşın negızgı baǧdarǧa ainaluy tiıs. Iаǧni käsıporynnyŋ ekonomikalyq tiımdılıgı özı jūmys ısteitın aumaqtyŋ damuyna degen jauapkerşılıkpen qatar jüruı qajet.
«Şahterskoe» serıktestıgınıŋ basşysy, «Eŋbek erı» ataǧynyŋ iegerı Georgii Prokop memlekettık qoldau qazırgı taŋda auyl şaruaşylyǧy öndırısın damytu men onyŋ tiımdılıgın arttyrudyŋ maŋyzdy faktory ekenın atap öttı.
«Bügınde auyl şaruaşylyǧy tauaryn öndıruşılerdı qoldauǧa baǧyttalǧan tūtas qūraldar keşenı äzırlendı. İnvestisiialyq subsidiialar men jeŋıldetılgen nesielendırudıŋ arqasynda bız tehnikany jaŋartyp, suarmaly egınşılıktı damytyp, zamanaui saqtau nysandaryn salyp, öndırıs quatyn kezeŋ-kezeŋımen arttyra alamyz», – dedı Georgii Prokop.
2025 jyly «Şahterskoe» serıktestıgınıŋ negızgı kapitalyna salǧan investisiia kölemı 5 mlrd teŋgeden asty.
Aidarbek Saparov eldıŋ azyq-tülık qauıpsızdıgın nyǧaitu üşın suarmaly alqaptardyŋ kölemın ūlǧaitu jäne auyl şaruaşylyǧy önımderın saqtaudyŋ zamanaui nysandaryn qūru strategiialyq maŋyzǧa ie ekenın atap öttı.
Öŋırdıŋ auyl şaruaşylyǧy tauaryn öndıruşılerı ministrge memlekettık qoldau men qarjylandyru, öndırıstı damytu, investisiialyq jobalardy ıske asyru jäne agroönerkäsıptık keşendı odan ärı damytu mäselelerı boiynşa özderın tolǧandyrǧan sūraqtaryn qoiyp, tūşymdy jauap aldy.
Baspasöz qyzmetı