Alaiaqtar telefon arqyly azamatardyŋ aqşasyn bögde bıreu ūrlauǧa tyrysyp jatqany jaily aityp, olardyŋ şottaryndaǧy qarajatty saqtau üşın jalǧan qyzmetkerlerdıŋ nūsqaularyn oryndaudy sūraidy. Özderınıŋ qyzmetker ekenın rastau maqsatynda, alaiaqtar jalǧan kuälıkter jäne QMA logotipterı bar özge de qūjattardyŋ fotosuretterın jıberedı.
Olardyŋ yqpalyna tüsken azamattar öz jinaqtaryn ziiankesterdıŋ şottaryna audarady.
Sonymen qatar, Qarjylyq monitoringı agenttıgınıŋ atynan äleumettık jelılerde jalǧan paraqşalardy aşu faktılerı de jiılep ketken.
Belgısız tūlǧalar azamattarǧa alaiaqtyq jobalarǧa salynǧan qarajattaryn tez qaitarudy ūsynady.
Paraqşada jeke derekterıŋızdı, telefon nömırın, sondai-aq joǧalǧan qarajat somasyn engızu ūsynylady.
Sodan keiın är türlı nömırlerden, onyŋ ışınde şeteldık nömırlerden de agentter sızge qoŋyrau şalyp, özderın QMA qyzmetkerlerı retınde tanystyrady jäne banktık şotyŋyz boiynşa mälımetterdı aluǧa tyrysady.
Qarjylyq monitoringı agenttıgı jeke tūlǧalarǧa telefon bailanysy arqyly da, messendjerler arqyly da qoŋyrau şalmaidy.
Azamattardan qyraǧy boluǧa, aqparatty resmi derekközdermen salystyruǧa jäne alaiaqtardyŋ aila-amaldaryna aldanbauyn sūraimyz.
Foto aşyq derekközderden alyndy