Qyzylorda oblysynda 10 tamyz – Abai künıne orai «Abai mūrasy – ūlt ruhaniiatynyŋ temırqazyǧy» atty oblystyq baiqau öttı.

 Şara barysynda qatysuşylar men qonaqtar «Adamzattyŋ Abaiy» atty körme-installiasiiamen tanysty. Körmede ūly aqynnyŋ ömırı men şyǧarmaşylyǧy, filosofiialyq oilary men ruhani mūrasy keŋınen tanystyryldy.

 Oblys äkımınıŋ orynbasary Qairat Yrzaqūlūly Nūrtai baiqauǧa qatysuşylardy Abai künımen qūttyqtap, ūly aqyn mūrasynyŋ jas ūrpaq tärbiesındegı jäne ūlttyq ruhaniiatty damytudaǧy maŋyzyna toqtaldy. 

 Baiqauǧa Qyzylorda qalasy men oblys audandarynan joǧary jäne orta arnauly bılım beru ūiymdarynyŋ studentterı men jastarynan qūralǧan 8 komanda qatysty.

Atap aitqanda:

«ZERTTEUŞILER» toby – Qyzylorda qalasy;

«KITAP QŪRTTARY» toby – Qyzylorda qalasy;

«SYR ZEREKTERI» toby – Qazaly audany;

«HÄKIM JOLY» toby – Qarmaqşy audany;

«JEŊIS» toby – Jalaǧaş audany;

«ÄDILET» toby – Syrdariia audany;

«MŪRAGER» toby – Şielı audany;

«JALYN» toby – Jaŋaqorǧan audany.

 Qatysuşylar Abaidyŋ qara sözderın mänerlep aitu, aqynnyŋ ömırı men şyǧarmaşylyǧyna qatysty sūraqtarǧa jauap beru, «Abai joly» roman-epopeiasy boiynşa qoiylym körsetu jäne Abai änderın oryndau kezeŋderınde öz bılımderı men şyǧarmaşylyq qabıletterın synǧa saldy.

 Baiqau qorytyndysy boiynşa:

 I oryn – Qazaly audanynyŋ «SYR ZEREKTERI» toby;

 II oryn – Jalaǧaş audanynyŋ «JEŊIS» toby;

 III oryn – Jaŋaqorǧan audanynyŋ «JALYN» toby ielendı.

 Jeŋımpazdar men jüldegerlerge diplomdar, alǧys hattar jäne baǧaly syilyqtar tabystaldy.

 Aita keteiık, Abai künıne orai oblys kölemınde ūly aqynnyŋ ruhani mūrasyn därıpteuge jäne şyǧarmaşylyǧyn keŋınen nasihattauǧa baǧyttalǧan bırqatar ıs-şaralar ūiymdastyryluda.


#ABAIKÜNI

#AbaiDAY