Nätijesınde 88 million teŋgeden astam soma tūtynuşylarǧa qaitaryldy. Būl turaly departament basşysy Janat Asantaev brifingte mälımdedı.
Janat Asantaevtyŋ aituynşa, ötınışter sanynyŋ artuy – azamattardyŋ qūqyqtyq sauattylyǧynyŋ ösuın jäne öz müddelerın qorǧauǧa degen daiyndyqty körsetedı. Eŋ köp şaǧymdar elektrondyq sauda salasyna qatysty – 744 ötınış. Azamattar tauar sipattamasynyŋ şyndyqqa sai kelmeuıne, satuşy turaly aqparattyŋ bolmauyna jäne aqşany qaitarudaǧy qiyndyqtarǧa şaǧymdanǧan.
Şaǧymnan – naqty äreketke
Ekınşı orynda – bölşek sauda salasy (683 jaǧdai), mūnda tūtynuşylar negızınen tauardy qaitarudan nemese auystyrudan bas tartu mäselesımen betpe-bet kelgen. Üşınşı orynda – tūrmystyq qyzmet körsetu salasy (583 şaǧym), äsırese jihaz jinau jäne jöndeu jūmystaryna qatysty. Sonymen qatar, tūrǧyn üi-kommunaldyq şaruaşylyq, densaulyq saqtau, bılım beru, turizm jäne qarjylyq qyzmet körsetu salalarynan da şaǧymdar tüsken.
Tüsken ötınışterdı qarau nätijesınde departament 15 jospardan tys tekseru jürgızıp, onyŋ 12-sınde zaŋ būzuşylyqtar anyqtalǧan. Käsıpkerlerdıŋ bır bölıgıne aiyppūl salynyp, bır bölıgı eskertu türınde äkımşılık jauapkerşılıkke tartyldy.
«Sapaly önım»: qoǧamdyq baqylau ıs jüzınde
Tūtynuşylardyŋ qūqyqtaryn qorǧau salasyndaǧy tiımdı bastamalardyŋ bırı – «Sapaly önım» jobasy boldy. Būl jobany Qazaqstan Respublikasy Sauda jäne integrasiia ministrlıgı ıske qosqan. Onyŋ maqsaty – sapasyz jäne qauıptı tauarlardy naryqtan şyǧaru, otandyq öndıruşılerdı qoldau jäne adal bäsekelestıktı damytu.
Atalǧan joba aiasynda Qaraǧandy oblysynda 46 türlı azyq-tülık önımı zerthanalyq synaqtan ötkızıldı. Taldau nätijesınde 22 jaǧdaida säikessızdık anyqtaldy, onyŋ ışınde taŋbalau men önım qūramyna qatysty būzuşylyqtar bar. Anyqtalǧan faktıler boiynşa materialdar tiıstı şaralar qabyldau üşın uäkılettı organdarǧa joldandy.
Janat Asantaev tūtynuşylardyŋ qūqyqtaryn qorǧau baǧytyndaǧy jūmys jalǧasa beretının atap öttı. Aldaǧy josparlar qatarynda – halyqpen aqparattyq-tüsındıru jūmystaryn küşeitu, «Sapaly önım» jobasyn ärı qarai damytu jäne qoǧamdyq baqylau tetıkterın keŋeitu bar.
«Bızdıŋ maqsat – öŋırde är tūtynuşynyŋ qūqyǧy qorǧalatyn qauıpsız ärı ädıl sauda keŋıstıgın qalyptastyru», – dedı departament basşysy.
Baspasöz qyzmetı