Şymkent qalasynyŋ Äl-Farabi audany äkımı apparatynyŋ basşysy, özınıŋ qyzmettık lauazymyn paidalanyp, JŞS direktorymen jäne qūryltaişysymen aldyn ala söz bailasu arqyly biudjet qarajatyn jymqyru äreketıne barǧany anyqtaldy.
Küdıktıler qoqys jäşıkterı, şaǧyn besedkalar, ätkenşekter, oiyn jäne trenajer alaŋdaryn qosa, tūrǧyn üilerdıŋ aulasyn abattandyru jūmystaryn jürgızu üşın, materialdardyŋ qūnyn köterıp smetalyq qūjattar jasaǧan. Osy ıs-äreketterdıŋ nätijesınde 700 mln teŋgege juyq memlekettık mülık talan-tarajǧa tüsken.
Sonymen qatar, JŞS direktory men qūryltaişysy deklarasiialarǧa jalǧan mälımetter engızu arqyly salyq töleuden jaltarǧan. Qabyldanǧan şaralar nätijesınde 194 mln teŋgeden astam salyq bereşegı tolyq öteldı.
Sot ükımımen üş aiyptaluşy kınälı dep tanylyp, 8 jylǧa bas bostandyǧynan aiyruǧa sottaldy.
Ükım zaŋdy küşıne engen joq.
QMA qoǧamdaǧy zaŋdylyq pen tärtıptı qamtamasyz etu, ekonomikalyq jäne qarjylyq qūqyq būzuşylyqtarǧa qarsy ıs-qimyl boiynşa belsendı jūmysty jalǧastyruda.
Eger ekonomikalyq qūqyq būzuşylyqtar turaly mälımetterıŋız bolsa, «AFM Insider» telegram-botyna habarlasyŋyz.
Anonimdılık kepıldengen.
foto aşyq derekközderden alyndy