2026 jylǧy 1-şaqyrylymmen kelgen jas sarbazdardy äskeri ortaǧa beiımdeu maqsatynda Qazaqstan Respublikasy Ūlttyq ūlanynyŋ 5547 äskeri bölımınde «Alǧaşqy qyzmet künı» atty tärbielık ıs-şara ūiymdastyryldy.
Is-şaranyŋ maqsaty – jas tolyqtyrudy äskeri bölımnıŋ tynys-tırşılıgımen tanystyru, äskeri qyzmettıŋ erekşelıkterın tüsındıru, äskeri tärtıp pen jarǧy talaptaryn meŋgertu, sondai-aq olardyŋ boiynda Otanǧa degen süiıspenşılık pen patriottyq ruhty qalyptastyru.
Is-şaraǧa bölım komandirı podpolkovnik J. Berkenov, bölım komandirınıŋ tärbie jäne äleumettık-qūqyqtyq jūmystar jönındegı orynbasary podpolkovnik B. Karamanov, sondai-aq zapastaǧy serjant, äskeri ardager Aslybek Erboşaev qatysty.
Jiyn barysynda bölım komandirı podpolkovnik J. Berkenov jas sarbazdarǧa äskeri qyzmettıŋ märtebesı men jauapkerşılıgı turaly aityp, Otanǧa adal qyzmet etu – ärbır azamattyŋ qasiettı boryşy ekenın atap öttı. Sonymen qatar, ol äskeri ortada «Zaŋ men tärtıp» qaǧidatyn qataŋ saqtau – jauyngerlık daiyndyqtyŋ, qauıpsızdık pen bırlıktıŋ negızı ekenın atap ötıp, sarbazdardy äskeri tärtıptı mültıksız oryndauǧa, jüktelgen mındetterge jauapkerşılıkpen qarauǧa jäne äskeri antqa adal boluǧa şaqyrdy.
Bölım komandirınıŋ tärbie jäne äleumettık-qūqyqtyq jūmystar jönındegı orynbasary podpolkovnik B. Karamanov äskeri bölımdegı kün tärtıbı, äskeri qyzmetşılerdıŋ qūqyqtary men mındetterı, äskeri tärtıp pen qauıpsızdık talaptary jönınde tüsındıru jūmystaryn jürgızıp, «Zaŋ men tärtıp» qaǧidatynyŋ kündelıktı qyzmet barysynda saqtaluynyŋ maŋyzdylyǧyna erekşe toqtaldy.
Öz kezegınde ardager zapastaǧy serjant Aslybek Erboşaev jas sarbazdarmen ömırlık jäne qyzmettık täjıribesımen bölısıp, äskeri qyzmettıŋ adamdy şyŋdaityn, jauapkerşılık pen otansüigıştıkke tärbieleitın ülken mektep ekenın atap öttı. Ol jastarǧa elge adal qyzmet etıp, äskeri bölımnıŋ abyroiyn biık ūstauǧa tılektestık bıldırdı.
Is-şara soŋynda jas sarbazdarǧa sättı qyzmet, myqty densaulyq, qaisarlyq pen tabandylyq tılep, olardyŋ äskeri ūjymǧa tez beiımdelıp, naǧyz Otan qorǧauşysy bolyp qalyptasatynyna senım bıldırıldı.
Mūndai tärbielık ıs-şaralar jas sarbazdardyŋ äskeri qyzmetke qyzyǧuşylyǧyn arttyruǧa, patriottyq sanasyn qalyptastyruǧa, «Zaŋ men tärtıp» qaǧidatyn berık ūstanuyna jäne äskeri ūjymǧa beiımdeluıne oŋ yqpal etedı.