Qarjylyq monitoring agenttıgı Bas kölık prokuraturasynyŋ üilestıruımen Aİ-92 markaly benzindı Qyrǧyz Respublikasyna zaŋsyz şyǧarumen ainalysqan qylmystyq topqa qatysty tergep-tekserudı aiaqtady.
Top qūramynda 9 adam bolǧan. Zaŋsyz shemany jüzege asyru üşın olar mūnai önımderın satyp alu, qūjat räsımdeu jäne eksporttau maqsatynda 12 zaŋdy tūlǧany tırkegen.
Benzinnıŋ şyǧu tegın zaŋdastyru jäne ony şetelge şyǧaru üşın küdıktıler «Qara Mai OiL» JŞS men «Petro Bazis» JŞS şaǧyn mūnai öŋdeu zauyttaryn paidalanǧan.
Qūjat jüzınde käsıporyndar Aİ-92 benzinın jeŋıl distilliatpen nemese erıtkışpen aralastyru qyzmetın körsetken.
Alaida ıs jüzınde olardyŋ qyzmetı benzindı eşqandai tehnologiialyq öŋdeusız temırjol sisternalaryna qūiumen ǧana şektelgen.
Keiın jalǧan qūjattar räsımdelıp, olardyŋ negızınde benzin aromatty kömırsutekter qospasy, erıtkışter nemese jeŋıl kömırsutekter qospasy retınde deklarasiialanǧan.
Nätijesınde avtokölık benzinı mūnai-himiia önımı retınde körsetılıp, Qyrǧyz Respublikasyna zaŋsyz şyǧarylǧan. Būl äreketter eldıŋ ışkı naryǧynda mūnai önımderınıŋ tapşylyǧy baiqalǧan kezeŋde de jüzege asyrylǧan.
Zaŋsyz eksporttalǧan benzin kölemı 190 myŋ tonnadan asyp, qylmystyq toptyŋ köleŋkelı ainalymy 37,2 mlrd teŋgeden asqan.
Jedel-ızdestıru ıs-şaralary barysynda «Türksıb» stansiiasynda Qyrǧyz Respublikasyna jöneltılmek bolǧan şamamen 500 tonna zaŋsyz benzin tielgen 8 temırjol sisternasy ūstaldy.
Qūny 138 mln teŋge bolatyn tärkılengen benzin memleket kırısıne ötkızıldı.
Qylmystyq ıs sotqa joldandy.
Qazaqstan Respublikasy QPK-nıŋ 201-babyna säikes özge aqparat jariialauǧa jatpaidy.
QR QMA Baspasöz qyzmetı