Soŋǧy ekı jarym jylda 205 jasyryn kazino jabylyp, olardyŋ jūmysyna qatysy bar 224 adam qylmystyq jauapkerşılıkke tartyldy. El ışınde zaŋsyz gembling faktılerı tolyq derlık joiyldy.
Alaida qazırgı taŋda negızgı qauıp şetelde tırkelgen onlain-kazinolardan tuyndap otyr. Olar elımızdıŋ azamattaryn qūmar oiynǧa tartyp, olardy ludomaniia qūrbanyna ainaldyruda.
Eskertemız, Qazaqstan aumaǧynda olardyŋ qyzmetıne «Oiyn biznesı turaly» Zaŋǧa säikes tolyqtai tyiym salynǧan.
Osyǧan orai, jyl basynan berı 34 şeteldık onlain-platformanyŋ negızınen «ainasy» bolyp tabylatyn 17 myŋnan astam sılteme būǧattaldy.
Erekşe alaŋdatatyny – qazaqstandyq tölem ūiymdarynyŋ qoldauy, olar depozitterdı tolyqtyru men qarajatty şeşudı (keşaut) qamtamasyz etıp otyr. Mūndai qarjylyq «deldaldardyŋ» bırqatary anyqtaldy. Agenttık jaqyn uaqytta olardyŋ qyzmetıne qūqyqtyq baǧa beretın bolady.
Onlain-kazinolardyŋ qoljetımdılıgı, verifikasiianyŋ joqtyǧy jäne tömen stavkalary olardy asa qauıptı etedı.
Öskeleŋ ūrpaq qūmar oiynǧa täueldılıkke ūrynyp, saldarynan ışımdık pen esırtkıge äuestık siiaqty basqa da jaǧymsyz qūmarlyqtarǧa beiım bolady.
Aita ketu kerek, onlain-kazinolardyŋ qyzmetı köbınese esırtkı saudasynan men qarjylyq alaiaqtyqtan tüsken qylmystyq tabysqa negızdeledı.
Jaŋa «klientterdı» tartu üşın olardyŋ ielerı milliondaǧan oqyrmany bar otandyq blogerlerdı paidalanady. Olar oŋai paida tabudy közdep, qarapaiym azamattardy qarjylyq tūzaqqa tüsırude.
Jyl basynan berı Agenttık 34 blogerdıŋ onlain-oiyndardy jarnamalauǧa qatysy baryn anyqtady.
Olardyŋ ışınde: Qaisar Qamza, Şyŋǧyshan Köpbaev, Aitmahanov Täuırjan, Tūrǧanov Nail, Diliara Amanqosqyzy jäne basqalar bar.
Olardyŋ 11-ı äkımşılık jauapkerşılıkke tartyldy, al 23 kontent jasauşyǧa qatysty materialdar Mädeniet ministrlıgıne şara qabyldau üşın joldandy.
Köpşılıgı zaŋdy bır rettık emes, jüielı türde būzady.
Mäselen, hip-hop oryndauşy «Baller» (şyn aty – Şyŋǧyshan Köpbaev) jyl basynan berı atalǧan bap boiynşa bes ret jauapqa tartyldy.
600 myŋnan astam jazyluşysy bar muzykant-bloger Rinat Şamşyraqqa qatysty da onlain-kazino jarnamalaǧany üşın äkımşılık ıs qozǧalǧan.
Sonymen qatar bloger «Niko_nett» pen infliuenser Qaisar Qamza da erekşe nazarda. Soŋǧysy özınıŋ telegram-arnasynda zaŋsyz oiyndardy ünemı nasihattap, jalǧan jeŋımpazdardyŋ videolaryn jariialap keledı.
Sol siiaqty, Nail Tūrǧanov onlain-kazino jarnamasy üşın 8 mln teŋgeden astam qarjy alǧan.
Al Nūrǧazy Toqtarov («Nakonay Qarapaiym») äleumettık jelılerınde azamattardy zaŋsyz oiyndarǧa tartu maqsatynda agressivtı nauqan jürgızıp, jarnama üşın 15,8 mln teŋge alyp, onyŋ jartysyna juyǧyn sol platformalardyŋ özınde oinap ūtylyp qalǧan.
Ökınışke qarai, būl ıste qyzdar da belsendı. Mäselen, Mariiam Qūljabaeva («@oomariko») internet-kazinoda tırkeluge şaqyrǧan qarapaiym storisterın nebary 350 myŋ teŋgege baǧalaǧan. Al onyŋ qūrbany bolǧan otbasylar milliondaǧan qarjysynan aiyrylyp jatyr.
Oǧan qosa, Zuhra Hakieva, Diana Halmetova, Äsem Aubakirova, Arina Baikova, Kümısai Aiymbetova jäne basqa da blogerlerdıŋ aty belgılı.
Osylaişa, onlain-kazino jarnamasy oiynǧa täueldılıkke bastaityn negızgı arna ekenın bıle tūra, atalǧan tūlǧalar öz ısterın jalǧastyruda. Olar adamdardyŋ taǧdyryna nemqūraily qarap, otbasylardyŋ küireuıne sebep boluda.
Milliondaǧan tabysqa kenelgen blogerler aiyppūldaryn tölep, zaŋsyz äreketın qaita jalǧastyryp jür.
Osyǧan bailanysty Agenttık mūndai äreketterdı QR QK-nıŋ 28-babynyŋ 5-tarmaǧy aiasynda – zaŋsyz oiyn biznesıne kömektesu retınde qarastyruǧa niettı.
Sonymen qatar, qarjy piramidalaryn jarnamalaǧandaǧydai, onlain-kazino jarnamasy üşın de qylmystyq jauapkerşılık engızu bastamasy köterıldı.
Blogerlerge ündeu: jarnama türındegı kontent taratumen ainalysatyn ärbır tūlǧa zaŋdy qataŋ saqtauy tiıs.
Agenttık zaŋsyz oiyndardy nasihattaudan bas tartyp, adamdar aldyndaǧy jauapkerşılıktı sezınuge şaqyrady.
Küdıktı ūsynystar tüsken jaǧdaida olardy dereu «AFM Insider» telegram-botyna habarlaudy sūraimyz. Anonimdık kepıldendırılgen.
QR QMA Baspasöz qyzmetı