Almaty jäne Jetısu oblystary boiynşa qylmystyq-atqaru jüiesı departamentınıŋ qyzmetkerlerı Ūly Jeŋıstıŋ 80 jyldyǧyna orai soǧys ardagerı Alym Kebirovtı qūttyqtap, erekşe qūrmet körsettı. Biyl ǧasyrdan da asyp, 101 jasqa tolǧan maidangerdı ūlyqtau şarasy onyŋ tuǧan jerı – Ūiǧyr audanynda ūiymdastyryldy. Departament basşylyǧy ardagerdıŋ şaŋyraǧyna arnaiy baryp, estelık syilyqtar tabystap, alǧysyn bıldırdı. Sondai-aq soǧys şejıresındei qazynaly qariia qūrmetıne şaǧyn şeru ūiymdastyryldy. Alym Kebirov 1944 jyly äsker qataryna alynyp, 1-Belarus maidany qūramynda jauǧa qarsy şaiqasqan. Belgorod, Kiev pen Lvov qalalaryn azat etuge qatysyp, jauyngerlık erlıgı üşın Ūly Otan soǧysy ordenımen marapattalǧan. QAJ departamentı bastyǧynyŋ orynbasary Magnis Sabirov ardagerlerge qūrmet körsetu – ärbır qazaqstandyqtyŋ azamattyq boryşy ärı ar aldyndaǧy paryzy ekenın atap öttı. Sonymen qatar QAJD qyzmetkerlerı Jeŋıs sarbazdaryna arnalǧan monumentke gül şoqtaryn qoiyp, erlık ruhyna taǧzym ettı. Jüz bır jastyŋ jügın köterıp, soǧystyŋ sūrapyl künderın közben körgen ardagerdıŋ bügınde tek bır tılegı bar – elde mäŋgılık beibıtşılık ornasyn.
Aqparat közı: Polisia.kz