Ағымдағы жылдың сәуір айында 16 зардап шеккен адам Павлодар облысының сауда және тұтынушылар құқығын қорғау департаментіне өздерінің тұтынушылық құқықтарын қорғау және сотта өз мүдделерін білдіру туралы өтінішпен жүгінді. Оқиғаның салдарынан ондаған адам ауруханаға жатып қалып, кейбіреулері ауыр сырқатпен ауырды. Зардап шеккендердің айтуынша, тойдан кейін барлығы тамақтан улану белгілерін сезген. Көпшілігіне стационарлық және амбулаториялық ем қажет болды, бұл олардың еңбекке жарамсыздығына және қаржылық шығынға әкеп соқтырды. Ең ауыр жағдайда екі қонақ болды: түсік жасап, баласынан айырылған қыз және ішек инфекциясына байланысты операция жасатқан ер адам.
Павлодар облысының сауда және тұтынушылар құқығын қорғау департаментінің қызметкерлері зардап шеккендерге материалдық және моральдық залалды өтеу туралы талап-арыз дайындауға көмектесіп, оны ресторанға жіберді. Ресторан талап-арызға жауап бермеді.
Департамент басшысының орынбасары Нұрсұлу Аубакированың түсіндіруінше: «Департамент ресторанға жоспардан тыс тексеру жүргізіп, 2024 жылдың маусым айында жіберілген талап-арызға жауап бермегені анықталды. Тексеру қорытындысы бойынша ресторанға бұзушылықтарды жою туралы бұйрық беріліп, әкімшілік жаза қолдану туралы қаулы шығарылды».
Департаменттің келесі қадамы сотқа жүгіну болды. Сапасыз қызмет көрсеткендіктен келтірілген материалдық және моральдық зиянды өтеу туралы іс қозғалды. Істі қарау барысында сот зардап шеккендердің жоғалтқан табысын есептеу үшін маман тартты. Екібастұз қаласының соты 18 зардап шеккен адамның, оның ішінде екінші іс бойынша екі адамның материалдық және моральдық зиянды өтеу туралы талабын 5 млн теңгеден астам сомаға ішінара қанағаттандырды. Материалдық залалға жоғалтқан табыс және дәрі-дәрмекке жұмсалған шығындар кірді, олар 1318-ден 188 462 теңгеге дейін ауытқыды. Моральдық залал үшін ресторан әрбір 16 истіге 200 мыңнан 700 мың теңгеге дейін төлеуге міндетті.
Бұл оқиға қоғамдық тамақтандыру саласында жұмыс істейтін барлық кәсіпкерлер үшін үлкен сабақ. Өнім сапасы мен санитариялық нормаларға немқұрайлы қарау ауыр салдарға әкеп соқтыруы мүмкін. Бұл жағдайда зардап шеккендер өтемақы алды, бірақ ақшаға сатып алуға болмайтын денсаулықтарына зиян келтірді.
Егер тұтынушылар ұқсас жағдайға тап болса, олар Павлодар қаласы, Генерал Дүйсенов көшесі 9 мекенжайында орналасқан Павлодар облысының сауда және тұтынушылар құқығын қорғау департаментіне жүгіне алады немесе E-otinish.gov.kz, E-tutynushy.kz бірыңғай ақпараттық жүйесі арқылы немесе 8 (7182) 551070 телефоны арқылы ыстық сызыққа хабарласа алады.